Vitoria esmagadora do Cisne ante un Málaga moi inferior (26-34)
Por Almu Dapena
Nova vitoria para o Cisne que segue líder indiscutible da División de Honra Prata. Os de Jabato desprazáronse a Málaga para enfrontarse a un rival que viña de gañar os dous últimos partidos e mostrouse superior durante os primeiros minutos de encontro.
O encontro comezou igualado, e balón que enviaba o Málaga á rede, era respondido da mesma maneira polo Cisne (4-4). A partir de aí chegaron varios minutos de imprecisións, onde ningún dos dous equipos foi capaz de inclinar a balanza ao seu favor ata que apareceu a figura de Álvaro Preciado para poñer aos de Pontevedra por diante no marcador por primeira vez cando se cumpría o minuto 8.
O Málaga respondeu empatando cun lanzamento desde os sete metros, dando paso aos mellores minutos do Cisne que lograba un bo colchón grazas aos tantos de José Leiras, Pablo Picallo e Alexandre Chan, obrigando ao técnico local a pedir tempo morto (5-8).
A partir de aí, os goles seguiron chegando a partes iguais para ambos, ata que se chegou ao ecuador da primeira metade e de novo os de Jabato ampliaban a renda e poñíanse cun +5 que se mantivo ata o descanso (14-19).
Tras o paso polo vestiario, o dominio do Cisne continuou grazas ao fortín defensivo e ás paradas de Villamarín, provocando que o Málaga anotase un tanto fronte aos tres dos brancos (15-22).
Ante esa situación, os locais víronse obrigados a reaccionar se querían salvar o encontro e, tras dous erros nos lanzamentos do Cisne foron capaces de reducir unha diferenza que de novo volvéuselles a escapar cos tantos de Álvaro Preciado e Alexandre Chan (17-24)
Os de Pontevedra estában cómodos e non quixeron desaproveitar a vantaxe, senón que a ampliaron ata chegar ao ecuador da segunda metade cun +11 (18-29).
A vitoria parecía encarrilada e os xogadores visitantes comezaron a tomarse o seu tempo para chegar á portería rival. O colexiado avisou de pasivo en dúas ocasións, e o Cisne erraba en catro lanzamentos seguidos que permitían ao Málaga maquillar o resultado ao chegar ao minuto 20 de partido (21-29).
O dominio dos brancos continuou no marcador, impedindo que o seu rival recortase a diferenza a pesar de que os seus lanzamentos vían rede chegando ao final do encontro cun resultado de 26-34.
Consulta as estatísticas do Málaga-Cisne na seguinte ligazón.
Relacionadas:
-
O Cisne estrélase co porteiro do Torrelavega e cae con claridade (32-27)
Por Almu Dapena |
-
Difícil saída para o Cisne, que visita a un Torrelavega en xeira positiva
Por Diego Espiño |
-
Os erros en ataque condenan o Cisne ante o Villa de Aranda (21-24)
Por Almu Dapena & Cristina Saiz |
-
O Cisne conxúrase para recibir o Villa de Aranda en "un dos partidos máis importantes da nosa historia"
Por Diego Espiño |
-
O Cisne supera o Cajasur e os seus problemas de puntería para volver á senda das vitorias (25-17)
Por Manu Otero |
-
O Cisne salva un punto no último minuto no fortín do Alarcos (30-30)
Por Almu Dapena |
-
O Cisne sofre pero leva o derbi contra o Atlético Novás (21-19)
Por Almu Dapena & Diego Torrado |