A sombra do ERTE sobrevoa sobre os clubs deportivos da comarca
Por Diego Espiño
As perdas económicas que está a provocar a cancelación das competicións deportivas a causa do coronavirus, sen data aínda para regresar, levou aos clubs deportivos da comarca a pensar na posible aplicación dun Expediente de Regulación de Emprego Temporal (ERTE) mentres dure esta situación.
Sen embargo non todos son mesma opinión á hora de aplicar esta medida, recollida como opción para as empresas e asociacións entre as medidas aprobadas polo estado tras declarar o estado de alarma.
En canto a número de empregados o Pontevedra Club de Fútbol é o que contaría con máis traballadores afectados entre futbolistas, técnicos e persoal do club. Na entidade granate en todo caso non falan aínda abertamente de aplicar un ERTE como opción probable pero sinalan que "estamos estudiando el Real Decreto" xa que "en el caso del fútbol se generan dudas", recoñeceu a presidenta, Lupe Murillo.
Nuns termos similares, á espera de acontecementos, sitúase o Marín Peixe Galego de baloncesto, que non descarta "ningún escenario posible", pero que prefire agardar á evolución dos acontecementos e ás decisións que adopten en próximos días tanto o Goberno como a Federación Española de Baloncesto.
No mesmo deporte, pero en categoría feminina, si é partidario de aplicar un ERTE o Club Baloncesto Arxil, nunha situación que afecta principalmente as xogadoras estranxeiras contratadas que abandonaron por precaución o país. "Estamos esperando que en la asesoría nos digan para hacerlo. Para la semana imagino que nos pondremos con ello", confirma Lino Vázquez desde a directiva arxilista.
Tamén no balonmán decántanse por esta opción, polo menos o Teucro xa que o Cisne non se ve afectado do mesmo xeito ao non contar con contratos profesionais no seu plantel. No cadro teucrista "la opinión es que hay que plantearlo" porque "estamos asumiendo unos costes ahora mismo que son inasumibles", recoñece o ex-presidente e membro da actual xunta xestora Carlos García-Alén. No seu deporte de feito os equipos da Liga Asobal, entre eles o Cangas, foron os primeiros en dar o paso e falar abertamente da presentación dun ERTE.
No bando contrario sitúase o Poio Pescamar de fútbol sala, que aínda que se asesorou "vamos a intentar escapar de esa situación", sinala o seu presidente, Juanjo García, aguantando o máximo posible ata saber que pasará co resto da tempada pendente, aínda que el se declara partidario de "llegar sí o sí" ao final da competición.
Relacionadas:
-
A comunidade granate mobilízase para confeccionar un arquivo dos momentos de gloria do Pontevedra
Por Manu Otero |
-
Dar por finalizada a tempada sen ascensos nin descensos, proposta do Teucro á Federación
Por Redacción |
-
O Teucro formaliza a presentación dun ERTE para xogadores, técnicos e persoal administrativo
Por Diego Espiño |
-
A Federación Española adiantará 4 millóns aos clubs de Segunda B, Terceira e Fútbol Sala
Por Redacción |
-
O Peixe Galego notifica a plantel e corpo técnico a súa intención de aplicar un ERTE
Por Diego Espiño |
-
A Federación Española de Fútbol amplía a suspensión das competicións e non pon data para o seu regreso
Por Redacción |
-
Nando Álvarez, adestrador do TM Monte Porreiro: "hay mucha incertidumbre y no se sabe si se acabarán las ligas"
Por Almu Dapena |
-
VÍDEO.- Os clubs de Marín súmanse á loita contra o coronavirus co 'hashtag' #MiEquipoSeQuedaEnCasa
Por Redacción |
-
O Waterpolo Pontevedra, primeiro club da cidade en anunciar oficialmente un ERTE
Por Redacción |
-
PontevedraCF.net organiza un torneo de FIFA 20 no que participarán Álvaro Bustos e Javier Bonilla
Por Boris Rodríguez Pintos |
-
24 dos 28 clubs da Liga Feminina 2, entre eles o Arxil, piden que se dea por finalizada a tempada
Por Redacción |
-
O baloncesto tamén prolonga a suspensión ata abril e o Peixe Galego atrasa a súa volta aos adestramentos
Por Redacción |
-
As federacións Española e Galega de Fútbol apostan por completar a tempada aínda que sexa máis aló do 30 de xuño
Por Redacción |
-
Luis Montes: "La práctica totalidad de los clubes tenemos contratos hasta el 31 de mayo"
Por Diego Espiño |
-
O balonmán prolonga a suspensión das competicións, polo momento, ata principios de abril
Por Redacción |
-
O Pontevedra cancela tamén os adestramentos do primeiro equipo
Por Manu Otero |