O Peixe Galego notifica a plantel e corpo técnico a súa intención de aplicar un ERTE
Por Diego Espiño
O Marín Peixe Galego presentará un Expediente de Regulación de Emprego Temporal (ERTE) como consecuencia do parón da competición provocado pola alerta sanitaria do coronavirus Covid-19.
Así o confirmou este luns o club marinense, tras notificarlle a súa intención tanto ao plantel de Liga LEB Ouro de baloncesto como ao corpo técnico da entidade, afectados pola decisión.
Trátase do segundo club da comarca en facer oficial que se acolle a un ERTE, tras o Waterpolo Pontevedra, pero é o primeiro cuxo equipo absoluto milita nunha categoría profesional.
Polo momento a Federación Española de Baloncesto só paralizou oficialmente a competición ata principios do mes de abril, pero desde os clubs xa se ve inevitable que a situación se prolongue no tempo, co desfasamento económico que iso supón aos seus xa axustados orzamentos.
Por outra banda o Peixe Galego notificou á Secretaría Xeral para o Deporte da Xunta de Galicia e á Federación Galega de Baloncesto a súa postura sobre o final da tempada que agora está no aire, e que pasa pola suspensión das competicións con efecto inmediato ao entender que non existen garantías de poder retomalas nas próximas semanas.
Relacionadas:
-
VÍDEO.- Mensaxe de ánimo do Peixe Galego aos seus afeccionados ante "o partido máis importante"
Por Redacción |
-
O Peixe Galego e o resto de clubs de LEB Ouro negocian como terminar a liga
Por Redacción |
-
Diego Gómez, adestrador do Peixe Galego: "Apostaría por una suspensión definitiva de la competición"
Por Diego Espiño |
-
O Concello de Marín recibe doazóns de material, ferramentas e man de obra para desinfectar as rúas
Por Redacción |
-
O Teucro formaliza a presentación dun ERTE para xogadores, técnicos e persoal administrativo
Por Diego Espiño |
-
O baloncesto segue aprazando xornadas, esta vez a do 11-12 de abril
Por Redacción |
-
Unha traballadora afectada por un ERTE: "Entendo ao meu xefe, prefiro que me mande ao paro a que non poida pagar"
Por Manu Otero |
-
O Waterpolo Pontevedra, primeiro club da cidade en anunciar oficialmente un ERTE
Por Redacción |
-
A sombra do ERTE sobrevoa sobre os clubs deportivos da comarca
Por Diego Espiño |
-
O baloncesto tamén prolonga a suspensión ata abril e o Peixe Galego atrasa a súa volta aos adestramentos
Por Redacción |
-
Os xogadores do Peixe Galego, cada un ao seu lugar de orixe
Por Redacción |
-
O baloncesto súmase aos aprazamentos polo coronavirus: nin LEB Ouro, nin Liga Feminina 2, nin base
Por Redacción |