A Xunta garante aos deportistas con aspiracións olímpicas que o seu programa de axudas "seguirá plenamente vixente"
Por Redacción
O secretario xeral para o Deporte da Xunta de Galicia ve acertada a decisión de aprazar ata 2021 os Xogos Olímpicos e Paralímpicos de Tokyo, tal e como anunciou o Comité Olímpico Internacional (COI), porque "os nosos deportistas clasificados e os que estaban na carreira olímpica, así como os doutros estados, atopábanse nunha situación de desvantaxe polo confinamento derivado da declaración do estado de alarma pola crise do coronavirus".
O máximo responsable do deporte a nivel autonómico sinalou tras coñecer a noticia que "con este aprazamento entendemos que se facilita que todos os atletas, independentemente de onde residan, poidan chegar nas mellores condicións e cunha maior igualdade".
Agora ábrese un novo período no que os deportistas con aspiracións quedan á expectativa en moitos aspectos, como saber que pasará coas axudas económicas que perciben para prepararse nas mellores condicións posibles.
Neste sentido, Lete confirmou que "seguimos e seguiremos apoiando aos deportistas e, por tanto, o programa de axudas á preparación deportiva para os Xogos de Tokyo seguirá plenamente vixente".
Relacionadas:
-
"Unión nun momento complicado" entre os estamentos do deporte galego
Por Redacción |
-
Confirmada a nova data para os Xogos Olímpicos: do 23 de xullo ao 8 de agosto de 2021
Por Redacción |
-
Oficial: Os Xogos Olímpicos pospóñense a 2021
Por Redacción |
-
As federacións piden a suspensión dos Xogos Olímpicos
Por Almu Dapena |
-
A renuncia a facer os clasificatorios olímpicos pendentes pecha a porta a Tokyo a varios padexeiros da comarca
Por Diego Espiño |
-
Cancelado o Europeo de Ximnasia Trampolín, última vía de clasificación olímpica para Melania Rodríguez
Por Diego Espiño |
-
A Federación de Piragüismo cancela os selectivos nacionais, claves para os Xogos Olímpicos
Por Almu Dapena |