O baloncesto segue aprazando xornadas, esta vez a do 11-12 de abril
Por Redacción
A bóla dos aprazamentos nas ligas deportivas segue crecendo aos poucos por efecto do coronavirus sen que se albisque o final.
A Federación Española de Baloncesto (FEB) anunciou durante a tarde do mércores a decisión de aprazar unha nova xornada nas súas ligas, a que se tería que xogar os días 11 e 12 de abril.
Trátase dunha medida adoptada tras a reunión telemática da Comisión de Presidentes de Federacións Autonómicas como consecuencia da ampliación do estado de alarma e co obxectivo de axustarse a estes prazos.
Con todo, suspendendo xornada a xornada, non se dá aínda resposta ás inquietudes de clubs que, como o Arxil de Liga Feminina 2, pediu que se de por finalizada a tempada ante o prexuízo económico que supoñería alongar os contratos das súas xogadoras. De feito 24 dos 28 clubs da categoría remitiron un escrito á FEB formalizando esta petición, e é que a xornada en cuestión do 11-12 de abril era inicialmente a prevista para o último partido da liga regular.
Pola súa banda en categoría masculina o Peixe Galego da iga LEB Oro xa anunciou oficialmente a súa intención de aplicar un Expediente de Regulación de Emprego Temporal (ERTE) mentres dure o parón, unha situación que afecta aos 11 xogadores do primeiro plantel, ao primeiro e segundo adestrador e ao coordinador da base.
Mentres iso sucede e as entidades deportivas viven nun limbo, "a Federación confía en que á finalización deste período de excepcionalidade se poidan tomar decisións definitivas sobre as súas competicións nacionais", conclúe o comunicado feito público pola FEB.
Relacionadas:
-
O Peixe Galego e o resto de clubs de LEB Ouro negocian como terminar a liga
Por Redacción |
-
As federacións, ante o momento de tomar decisións sobre como concluír a tempada
Por Diego Espiño |
-
Diego Gómez, adestrador do Peixe Galego: "Apostaría por una suspensión definitiva de la competición"
Por Diego Espiño |
-
O Peixe Galego notifica a plantel e corpo técnico a súa intención de aplicar un ERTE
Por Diego Espiño |
-
Natalia López, xogadora do Arxil: "me encuentro súper bien y motivada para entrenar en casa"
Por Almu Dapena |
-
24 dos 28 clubs da Liga Feminina 2, entre eles o Arxil, piden que se dea por finalizada a tempada
Por Redacción |
-
O baloncesto tamén prolonga a suspensión ata abril e o Peixe Galego atrasa a súa volta aos adestramentos
Por Redacción |
-
O CB Arxil dá permiso ás súas xogadoras para volver á casa durante o período de inactividade
Por Redacción |
-
O baloncesto súmase aos aprazamentos polo coronavirus: nin LEB Ouro, nin Liga Feminina 2, nin base
Por Redacción |