Reunión clave no balonmán para decidir como pechar a tempada
Por Redacción
Despois de peticións reiteradas por parte dos clubs, a Real Federación Española de Balonmán decidirá este venres 24 de abril que facer coas competicións suspendidas polo coronavirus.
O organismo federativo anunciou que este venres reunirase a súa xunta directiva, ás 16:00 horas da tarde, con "a situación das competicións nacionais como principal punto da orde do día".
Ao termo da mesma o presidente da Federación, Paco Blázquez, ten previsto facer público un comunicado explicando as medidas adoptadas.
Mañana, a las 16:00 h., se celebrará una reunión de la Junta Directiva de la @RFEBalonmano, con la situación de las competiciones nacionales como principal punto del orden del día
— RFEBalonmano (@RFEBalonmano) April 23, 2020
A la conclusión se emitirá un comunicado oficial del presidente @blazquezbalonma pic.twitter.com/do5atmNZyr
Nos últimos días os clubs nacionais devolveron aos mandatarios do seu deporte o cuestionario que se lles remitiu no que, entre outras cousas, preguntábase se estarían dispostos a xogar durante o verán para concluír a tempada.
Teucro e Cisne mantéñense á expectativa do que poida ocorrer, sobre todo no caso dos cisneístas, líderes da División de Honra Prata e que defenderon nas últimas semanas o seu dereito para subir de categoría para xogar a próxima campaña na Liga Asobal. Pola súa banda o cadro teucrista defende que se anule a tempada sen descensos se ascensos, vendo inviable a nivel económico poder retomar a actividade este curso.
As decisións que se tomen na reunión da xunta directiva federativa, nun último trámite, deberán ser referendadas aínda pola comisión delegada da Asemblea da Real Federación Española de Balonmán.
Relacionadas:
-
Dobrar o seu orzamento e mudarse ao Pavillón Municipal, pasos obrigados do Cisne para competir en Asobal
Por Diego Espiño |
-
A Federación abre a porta ao ascenso do Cisne a Asobal e á permanencia do Teucro en Prata
Por Manu Otero |
-
Teucro e Cisne, propostas opostas sobre como concluír a tempada
Por Manu Otero |
-
A Federación de Balonmán pregunta aos clubs se estarían dispostos a xogar a porta pechada no verán
Por Almu Dapena |
-
As federacións, ante o momento de tomar decisións sobre como concluír a tempada
Por Diego Espiño |
-
Dar por finalizada a tempada sen ascensos nin descensos, proposta do Teucro á Federación
Por Redacción |