Pontevedra, convidada as charlas telemáticas 'Fagamos do Tríatlon un Deporte Seguro' que organiza a FETRI
Por Redacción
O luns 4 de maio ás 19:00 horas, darán comezo as charlas organizadas pola Federación Española de Tríatlon (FETRI) baixo o título 'Fagamos do Tríatlon un Deporte Seguro'.
Nesta inauguración, participarán o xefe do Servizo Municipal de Deportes, Jaime Agulló, e o director xeral de Emerxencias do Concello de Pontevedra, Daniel Macenlle, e explorarán por videoconferencia as súas experiencias dentro da faceta organizadora de eventos e a súa visión respecto a as competicións de tríatlon enfocándose no ámbito da seguridade.
Este ciclo de charlas, coordinadas polo director de competicións da FETRI, Jorge García, contará cun persoal de expertos de entidades e firmas procedentes doutros puntos de España. Entre eles atópanse o presidente da Federación de Tríatlon de Castela e León, Amancio Castelo; o director de Operacións Ironman South EMEA, Ferrán Giménez, e o responsable de Lactus Sport, Víctor Martínez, que formarán mesa con Agulló e Macenlle na primeira conferencia.
A inscrición é gratuíta e aberta a todo aquel que estea interesado ata cubrir as 500 prazas que se ofertan. Para participar hai que inscribirse a través da páxina web da FETRI ou no formulario de inscrición.
Relacionadas:
-
O reaxuste do calendario nacional de tríatlon podería aprazar o campionato galego de Pontevedra
Por Manu Otero |
-
A "reunión social" particular de Gómez Noya e Pablo Dapena na Illa das Esculturas
Por Redacción |
-
O Concello conta con non poder organizar eventos deportivos polo menos ata o mes de agosto
Por Diego Espiño |
-
Jonathan Cancela completa os seus consellos para o confinamento cun plan de adestramento semanal
Por Manu Otero |
-
O atletismo galego apúntase ás charlas informativas 'online'
Por Redacción |