Así queda a Copa da Raíña para o Poio Pescamar e os play-off de O Fisgón e Leis
Por Diego Espiño
A Real Federación Española de Fútbol (RFEF) foi adiantando nas últimas semanas detalles de como quedarían as competicións nacionais de fútbol e fútbol sala tras a suspensión a causa do coronavirus, pero non foi ata este martes 12 de maio cando a través dunha circular deu oficialidade aos acordos adoptados pola súa comisión delegada.
Entre os aspectos que quedaran eclipsados polas medidas anunciadas para categorías como a Segunda B de fútbol, atópase unha competición moi importante para o Poio Pescamar, que se clasificou por primeira vez na súa historia para a fase final da Copa da Raíña co obxectivo de pelexar polo seu primeiro título de nivel nacional.
Cancelada a liga e fóra dos postos do play- off polo título, no club vermello importaba que se mantivese a final a 4 copeira, e así se fará aínda que pasa á próxima tempada.
"As semifinais e a final da Copa de S.M. A Raíña previstas baixo o formato de final a catro, disputaranse ao longo da Tempada 2020/2021 en datas a determinar e acordar cos clubs implicados en función do calendario de competicións nacionais e internacionais de clubs e se seleccións", reflicte a circular federativa.
Desta forma no Poio Pescamar xa poden pensar plenamente nun próximo curso que, entre tantas dúbidas, supoñerá a recado un dos máis emocionantes dos últimos anos.
Ademais do conxunto da Seca, xogarán a fase final da Copa da Raíña o Burela, AD Alcorcón e Universidad de Alicante.
FASES DE ASCENSO PARA LEIS E O FISGÓN
A circular da RFEF tamén establece en relación ao fútbol sala como serán os play- off de ascenso para dous clubs da comarca como son O Fisgón e o Leis Pontevedra.
No caso das marinenses, xogaranse o ascenso á máxima categoría do fútbol sala feminino na cancha do líder do seu grupo da Segunda División, o Viaxes Amarelle coruñés. Primeiro deberán afrontar unha eliminatoria ante as terceiras da táboa, o Valdetires Ferrol, e o equipo que salga vencedor disputará a final polo ascenso frente as anfitrioas. En caso de empate nalgún dos partidos, haberá prórroga e penaltis.
Pola súa banda na Segunda División B masculina o Leis contará cun camiño máis complicado. Na cancha do líder do grupo I, o Atlético Benavente, e como segundo no momento da suspensión, o cadro pontevedrés enfrontarase ao terceiro, o Albense, e no caso de avanzar ao gañador do partido entre Benavente e O Esteo.
Con todo ante o número de grupos e equipos da categoría, se consegue superar esta primeira fase o Leis acudiría a unha terceira eliminatoria cuxa sede será a pista do equipo con mellor coeficiente dos 6 equipos participantes. Alí afrontaría un último partido que en caso de gañar daríalle unha das tres prazas de ascenso á Segunda División. Do mesmo xeito que na categoría feminina establécese a opción de prórroga e penaltis en caso de empate.
Relacionadas:
-
Despexada a incógnita da fase final de Copa para o Poio Pescamar, que se medirá en semifinais ao Universidad de Alicante
Por Diego Espiño |
-
"Mejorar los resultados de la temporada pasada", obxectivos do Poio Pescamar para unha nova campaña sen data de inicio
Por Almu Dapena |
-
A RFEF profesionaliza a primeira división do fútbol sala femenino, un paso adiante para o Poio Pescamar
Por Manu Otero |
-
O Fisgón, a dúas vitorias do soño de xogar en primeira
Por Redacción |
-
Antía Pérez, do Poio Pescamar, preparada para volver á cancha tras a súa operación de xeonllo
Por Redacción |
-
Iria Saeta, primeira saída nun Poio Pescamar que empeza a planificar a próxima tempada
Por Diego Espiño |
-
A Federación Española de Fútbol pon data posible aos play-off de Arosa, O Fisgón e Leis
Por Redacción |
-
Fase 2 de desescalada no deporte: Arosa, Leis, e O Fisgón, coa mente posta nos play-off de ascenso
Por Almu Dapena |
-
O Fisgón contrata un preparador físico para preparar o playoff
Por Manu Otero |
-
Final de tempada para o Poio Pescamar e playoff exprés para Leis e O Fisgón
Por Manu Otero |
-
A RFEF resolve a 2ª B e Terceira sen descensos e cunha fase de ascenso exprés para os catro primeiros de cada grupo
Por Manu Otero |