Unanimidade no pleno para bautizar aos campos da Xunqueira co nome de Manolo Barreiro
Por Redacción
Complexo deportivo municipal Manolo Barreiro será a partir de agora o nome oficial dos campos de fútbol da Xunqueira. A moción foi aprobada este luns por unanimidade no pleno do Concello de Pontevedra.
"Non se pode entender fútbol de Pontevedra nos últimos 50 anos sen el. É unha figura respectada e querida por todos. Tiña unha forma tranquila e educada de facer as cousas. Foi un exemplo e un referente para varias xeracións", dixo o concelleiro de Deportes, Tino Fernández, durante a presentación da proposta.
Aínda que para aqueles que gardan algún tipo de relación co fútbol basee da cidade a figura de Manolo Barreiro non necesita presentación, merece a pena lembrar que este pontevedrés que acaba de cumprir os 95 anos dedicou boa parte da súa vida ao traballo altruísta de fomentar o deporte do balompé entre os máis novos.
Foi secretario da Delegación de Pontevedra da Federación Galega de Fútbol e logo delegado ata a súa retirada no 2011 con 86 anos, cando foi nomeado presidente de honra.
A petición de nomear aos campos co seu nome partiu dos diferentes equipos de fútbol modesto da cidade, que fixeron chegar a iniciativa á concellería de Deportes e esta deulle forma para dedicarlle un complexo deportivo de catro campos de fútbol e un pavillón.
"Os que o queremos poderemos abrazalo e compartir con el o deporte que tanto amaba", concluíu Fernández a súa defensa, que rematou co voto favorable de todos os edís da corporación.
Relacionadas:
-
Emotiva homenaxe a Manolo Barreiro no 'rebautismo' do complexo da Xunqueira: "É o fútbol en maiúsculas"
Por Almu Dapena & Cristina Saiz |
-
Preparan unha homenaxe a Manolo Barreiro co 'rebautismo' oficial de todo o complexo deportivo da Xunqueira
Por Redacción |
-
Pontevedra renovará o céspede artificial dun dos campos de fútbol 11 da Xunqueira
Por Redacción |
-
Sirenas e aplausos para celebrar o 95 aniversario de Manolo Barreiro, referente do fútbol base en Pontevedra
Por Redacción & Diego Torrado |
-
Propoñen bautizar os campos da Xunqueira co nome de Manolo Barreiro
Por Redacción |