Iria Saeta, primeira saída nun Poio Pescamar que empeza a planificar a próxima tempada
Por Diego Espiño
Despexada a incógnita sobre o final da tempada na Primeira División de fútbol sala, o Poio Pescamar empeza a moverse e a estruturar o plantel do próximo curso, no que ademais de tentar consolidarse entre os equipos importantes da máxima categoría afrontará o ilusionante reto de xogar a fase final da Copa da Raíña aprazada polo coronavirus.
O conxunto conserveiro non quixo perder o tempo anunciando unha saída e varias renovacións.
No apartado de baixas a que se marcha é unha xogadora de peso, Iria Saeta, coa que se alcanzou un acordo para que non continúe en Poio e que regresará ao Ourense Envialia. A ourensá, na que o club tiña grandes expectativas hai tres tempadas cando conseguiu pechar a súa fichaxe, non logrou mostrar o seu mellor nivel na Seca lastrada polas lesións.
A pesar diso desde o cadro conserveiro "desexámoslle moita sorte no seu novo proxecto e agradecemos o trato e o seu comportamento profesional estes tres anos", sinalaron.
Ademais o Poio Pescamar confirmou a renovación por dous anos da gardameta internacional Caridad, mentres que a canteirá Carol Agulla seguirá no primeiro equipo un ano máis. Por último tamén seguirá Antía Pérez, que se atopa na recta final da recuperación da súa grave lesión de xeonllo, a segunda en dous anos, e que espera na súa terceira campaña en terras pontevedresas poder lograr continuidade no seu xogo.
Relacionadas:
-
Luci, unha campioa de liga e de Europa como primeira fichaxe do Poio Pescamar
Por Diego Espiño |
-
A RFEF profesionaliza a primeira división do fútbol sala femenino, un paso adiante para o Poio Pescamar
Por Manu Otero |
-
Ana Rivera e Mirian Ruiz completan a rolda de renovacións no Poio Pescamar
Por Redacción |
-
O Poio Pescamar blinda a súa portería para a próxima campaña
Por Manu Otero |
-
Antía Pérez, do Poio Pescamar, preparada para volver á cancha tras a súa operación de xeonllo
Por Redacción |
-
Así queda a Copa da Raíña para o Poio Pescamar e os play-off de O Fisgón e Leis
Por Diego Espiño |
-
Final de tempada para o Poio Pescamar e playoff exprés para Leis e O Fisgón
Por Manu Otero |
-
O Poio asume o fin da liga e espera xogar a final da Copa da Raíña en pretemporada
Por Manu Otero |
-
O pontevedrés Manuel Cossío é o elixido para dirixir ao Poio Pescamar
Por Redacción |
-
Silvia Aguete, nomeada mellor gardameta do mundo: "Que la gente reconozca tu trabajo es un orgullo"
Por Diego Espiño |