Tres meses despois, o Leis volve traballar en grupo coa mente posta no ascenso
Por Manu Otero
Unha pretempada de seis semanas para empezar a carreira, a todo ou nada, polo ascenso á Segunda División do fútbol sala masculino nacional. Ese é o horizonte do Leis Pontevedra, que este luns retomou os adestramentos en grupo tras case tres meses de adestramento individual nos domicilios particulares. "Desde a semana que se decretou o confinamento empezamos con adestramentos individuais e sesións de vídeo para lembrar táctica individual e colectiva", explica o adestrador do cadro pontevedrés, Mikel Diestro.
Os xogadores do primeiro equipo foron citados a última hora desta tarde no Pavillón Multiusos da Xunqueira para realizar a primeira sesión de traballo dirixida a preparar a primeira eliminatoria do playoff fronte ao Albense o 18 de xullo. "Non imos chegar ben ningún equipo", admite o técnico máis centrado en "previr lesións" e construír un equipo "mentalmente forte".
A motivación non será necesario traballala, vén de serie. "Temos moitas ganas de conseguir o ascenso", asegura o preparador vasco, que deseñou un traballo similar ao dunha pretemporada convencional na que o traballo físico "sempre con balón" marcará as primeiras semanas.
Afacerse ás novas rutinas de distanciamento social e de prevención de contagios requirirá tamén un pequeno esforzo. Desde o club preferiron non retomar o adestramento en grupos reducidos como se fixo noutros deportes e esperaron á fase 3 de desescalada na que os adestramentos en grupo volven estar permitidos.
Aínda así, hai algunhas normas que hai que cumprir. Nos vestiarios debe manterse a distancia de seguridade, para o que o plantel terá que facer uso de varias salas que, diante da falta de actividade do resto de equipo da cidade, poderán ocupar sen ningún tipo de impedimento.
Relacionadas:
-
Apoio municipal para o Leis antes da batalla polo ascenso
Por Redacción & Mónica Patxot |
-
O Leis celebra a súa asemblea de socios de maneira telemática
Por Redacción |
-
O Leis ata o seu máximo goleador para a próxima tempada
Por Redacción |
-
Primeiros movementos no Leis pensando na próxima tempada
Por Redacción |
-
Os play-off de ascenso de Leis e O Fisgón xogaranse, oficialmente, sen público
Por Redacción |
-
Sen positivos na rolda de test realizada a Arousa, Leis e O Fisgón
Por Redacción |
-
O Leis Pontevedra, preocupado polas lesións no regreso aos adestramentos
Por Almu Dapena |
-
O Fisgón e Leis, primeiros equipos galegos en someterse aos test de Covid-19
Por Diego Espiño | Creada e actualizada
-
Arosa, Leis e O Fisgón formalizan a súa inscrición para os play-off de ascenso
Por Redacción |
-
A Federación Española de Fútbol pon data posible aos play-off de Arosa, O Fisgón e Leis
Por Redacción |