Ao Cisne espéralle unha Asobal de 34 xornadas e varios partidos entre semana
Por Diego Espiño
O Club Cisne segue buscando os apoios necesarios para competir a próxima tempada por primeira vez na máxima categoría, pero polo menos xa sabe que tipo de competición lle espera.
Os 16 clubs que compoñen Asobal e os dous ascendidos, Cisne e Villa de Aranda, mantiveron este venres unha reunión co presidente da Real Federación Española de Balonmán previa á asemblea federativa que este sábado decidirá o modelo de competición do atípico próximo curso.
No caso da Liga Asobal, será xa unha formalidade despois do acordo ao que chegaron ambas as partes, que partían con posicións enfrontadas.
Así, acordouse que non se dividirá a liga en dous grupos, tal e como expuña a federación, xogándose un todos contra todos de 34 xornadas.
Trátase dunha medida que caeu ben no club pontevedrés, xa que se asegura recibir a visita do todopoderoso Barcelona, aínda que se pactou a celebración de "tres ou catro xornadas entre semana", recoñece o presidente cisneísta, Santiago Picallo, un aspecto que "nos prexudica un pouco".
Ademais aprazarase a aplicación do play-out pola permanencia ata a tempada 2021/2022, o que para un equipo que buscará como obxectivo seguir na categoría como o Cisne achanda un pouco o seu camiño.
Por último Asobal e Federación acordaron que a Copa do Rei quedará reducida este ano a unha fase final con 8 equipos, como outrora, e que a Copa Asobal póidase celebrar nunha data aínda por decidir.
Despexadas boa parte das incógnitas "a nosa preocupación agora mesmo é tentar saír", recoñece Picallo sobre uns requisitos económicos que esperan coñecer nos próximos días, como moi tarde o próximo día 20 cando está fixada unha asemblea de Asobal. Iso a condición de que a Asemblea Xeral federativa non acorde este sábado eliminar o requisito de permanecer a Asobal para competir na máxima categoría, aspecto que estará en discusión.
Relacionadas:
-
Asobal fixa en 43.000 euros o canon que debe abonar o Cisne para pertencer á asociación de clubs
Por Diego Espiño |
-
Nova homenaxe ao Cisne polo seu ascenso á Liga Asobal, esta vez na Deputación
Por Diego Espiño & Mónica Patxot |
-
O Cisne fai oficial o regreso de Carlos Pombo
Por Redacción |
-
O Cisne pecha as fichaxes de Carró e Pombo e busca un primeira liña
Por Manu Otero |
-
O Mundial Junior de balonmán celebrado en Pontevedra, todo un éxito organizativo e mediático segundo a Federación
Por Almu Dapena |
-
Cisne e Teucro xa coñecen as datas de inicio da Liga Asobal e da División Honra Prata
Por Almu Dapena |
-
O Cisne segue coas renovacións e asegura a continuidade de Álex Chan
Por Redacción |
-
Alejandro Conde convértese na sétima renovación do Cisne para o seu proxecto en Asobal
Por Redacción |
-
Iván Calvo, unha renovación en clave defensiva para o Cisne
Por Redacción |
-
Santi Picallo reparte o mérito dunha fazaña que "parecía inalcanzable" entre todos os que formaron parte do Cisne
Por Manu Otero |
-
Jabato: "Para min é un soño ascender o Cisne"
Por Diego Espiño |
-
Dobrar o seu orzamento e mudarse ao Pavillón Municipal, pasos obrigados do Cisne para competir en Asobal
Por Diego Espiño |