A Xunta destaca o traballo do Teucro en favor da igualdade por ser pioneiros en contratar unha adestradora
Por Redacción
A contratación de Irene Vilaboa como adestradora do primeiro equipo do Teucro para a próxima tempada segue xerando reaccións. A última entidade en destacar o traballo do equipo pontevedrés en favor da igualdade por ser o primeiro club das principais divisións do balonmán español en ser dirixido por unha muller foi a Secretaría Xeral para ou Deporte.
"A vosa decisión de poñer á fronte do equipo a unha persoa como Irene Vilaboa, polos seus incontestables méritos e capacidades, axúdanos neste traballo de visibilizar ás mulleres en campos que anteriormente parecían reservados para os homes", recolle a carta de agradecemento asinada por José Ramón Lete Lasa dirixida á directiva teucrista.
Desde este departamento aseguran que a Xunta leva moitos anos loitando pola igualdade en todos os ámbitos da sociedade. "Mulleres e homes deben medirse polos seus méritos e capacidades e obter a mesma recompensa por eles. Aínda que haxa moito camiño andado, queda moito por percorrer", puntualiza na misiva.
Neste sentido, subliñan que non é a primeira vez que o Teucro confía no saber facer dunha muller para dirixir a un grupo de xogadores masculinos posto que Rosa Vilaboa, irmá de Irene, xa exerceu de segunda adestradora do equipo azul, cargo que manterá a partir do próximo curso.
"Agardo que Irene sexa a primeira adestradora en dirixir a un equipo masculino na máxima categoría nacional. Iso significaría que o Teucro vén de recuperar o lugar que lle corresponde", desexoulles Lete Lasa para concluír a súa carta.
Relacionadas:
-
Irene Vilaboa é recibida na Subdelegación do Goberno como referente da igualdade no balonmán
Por Redacción |
-
Desvelado o calendario da División de Honra Prata, con inicio para o Teucro na casa fronte ao San Pablo Burgos
Por Redacción |
-
Orzamento reducido e permanencia, obxectivos do Teucro para unha nova e "moi competida" División de Honra Prata
Por Manu Otero |
-
Un grupo de ex-xogadoras do Teucro traballa na creación dun equipo sénior feminino
Por Diego Espiño |
-
O Teucro presenta a Irene Vilaboa: "Non a contratamos por ser muller, contratámola pola súa valía"
Por Diego Espiño |
-
Irene Vilaboa chega ao Teucro con "ilusión" e sen verse como pioneira: "a pregunta é por que non hai máis mulleres neste posto"
Por Diego Espiño |
-
O Teucro confirma a fichaxe de Irene Vilaboa, primeira muller que dirixirá un equipo na División de Honra Prata masculina
Por Diego Espiño |