Pontevedra, principal candidata a albergar en agosto o Campionato de España Sprint de tríatlon
Por Diego Espiño
A Federación Española de Tríatlon traballa estes días na elaboración do novo calendario da tempada, tras o parón motivado polo coronavirus, e nel Pontevedra posiciónase como unha alternativa para probas de nivel.
De feito a Boa Vila preséntase como a principal candidata a acoller o Campionato de España Sprint (750 metros de natación, 20 quilómetros de ciclismo e 5 quilómetros de carreira a pé), que se pretende celebrar a fin de semana do 22 e 23 de agosto.
Trátase da data na que debía celebrarse a XX edición do Tríatlon Cidade de Pontevedra, Campionato Galego Absoluto que a Federación Galega de Tríatlon recolocou para o 26 de setembro no seu novo calendario.
De todos os xeitos a organización do Nacional, que xa se celebrou en Pontevedra en 2015 con triunfo de Javier Gómez Noya, non está aínda pechada e non se quere dar segura ao 100% ante a situación de incerteza que provoca o Covid-19. O que si houbo xa é contactos cos responsables deportivos da cidade, que se mostrou receptiva coa proposta.
Outro dos aspectos que debe definir nos próximos días ou semanas a Federación Española é que pasará coa segunda edición do Pro Tour, que estaba comprometida de novo para Pontevedra pero que parece complicado celebrar ante o apertado do calendario internacional no que respecta a as grandes figuras nacionais.
Relacionadas:
-
O Concello de Pontevedra amplía dous anos máis o seu patrocinio a Javier Gómez Noya
Por Redacción |
-
O europeo de tríatlon de Estonia, cancelado pola pandemia
Por Manu Otero |
-
Javi Gómez Noya buscará o seu quinto título europeo en Estonia
Por Redacción |
-
O Nacional Sprint de Tríatlon en Pontevedra, na corda frouxa
Por Diego Espiño |
-
Confirman a Pontevedra como sede do Nacional Sprint de Tríatlon, con Gómez Noya e Mola como principais reclamos
Por Diego Espiño |
-
Pablo Dapena, ante a incerteza do calendario: "Si me dicen que esta temporada no se compite, me dejan más tranquilo"
Por Diego Espiño |
-
O reaxuste do calendario nacional de tríatlon podería aprazar o campionato galego de Pontevedra
Por Manu Otero |
-
A "reunión social" particular de Gómez Noya e Pablo Dapena na Illa das Esculturas
Por Redacción |
-
O Challenge de Daytona, "motivación importante" a curto prazo para Pablo Dapena
Por Almu Dapena |
-
Tres posibles escenarios para retomar a competición no tríatlon nacional
Por Redacción |