Os play-off de ascenso de Leis e O Fisgón xogaranse, oficialmente, sen público
Por Redacción
A melloría da situación sanitaria no país, co fin do estado de alarma, trouxo consigo a esperanza de poder finalizar a tempada nas competicións nacionais de fútbol e fútbol sala con público nas bancadas, un extremo que desde os equipos vían con bos ollos ante a importancia do apoio dos seus afeccionados.
Con todo a Real Federación Española de Fútbol encargouse este mércores de pechar esa posibilidade mediante unha circular informativa, na que confirma que, polo menos as fases de ascenso que están baixo a súa organización, xogaranse "sen a presenza de público e a porta pechada. De conformidade coas recomendacións emitidas polas Administracións Públicas competentes en relación co Covid-19 e a posible autorización da celebración de competicións deportivas con presenza de público", explica o organismo federativo.
Isto afecta directamente a dous equipos da comarca, que seguen avanzanzo na súa preparación para os play- off que se disputarán a mediados de mes de xullo, como son o Leis Pontevedra e O Fisgón de Marín, aspirantes a subir á Segunda División masculina e Primeira feminina do fútbol sala nacional.
Non así ao Arosa, xa que na Terceira División a pesar de ser de ámbito estatal a responsabilidade está delegada na federación territorial, é dicir, que decidirá a Real Federación Galega de Fútbol sobre a fase de ascenso a Segunda B que terá como sede o estadio vigués de Balaídos.
Con todo a RFEF recomenda ás territoriais que sigan o seu exemplo porque "o recomendable sería que todos os partidos dos play- off exprés se celebren a porta pechada, en aras a evitar os posibles rebrotes do Covid-19".
De feito a Federación Española avisa que as consecuencias que puidesen derivarse da organización de competicións oficiais coa presenza de público por parte das Federacións Territoriais "serán da exclusiva responsabilidade destas", o que fai pouco probable que neste caso o organismo autonómico acabe apostando por permitir a entrada de público á fase de ascenso.
Relacionadas:
-
O Leis conxúrase para eliminar o Benavente na pelexa polo ascenso: "A un partido puede ganar cualquiera"
Por Diego Espiño |
-
Finaliza o soño polo ascenso para O Fisgón, que cae por 1-3 ante o Valdetires Ferrol
Por Almu Dapena |
-
Apoio municipal para o Leis antes da batalla polo ascenso
Por Redacción & Mónica Patxot |
-
A Federación Galega de Fútbol retransmitirá a fase de ascenso de O Fisgón a Primeira División
Por Redacción |
-
O Leis celebra a súa asemblea de socios de maneira telemática
Por Redacción |
-
O Fisgón vístese de Galicia para a fase de ascenso a Primeira División
Por Redacción |
-
O Leis ata o seu máximo goleador para a próxima tempada
Por Redacción |
-
Primeiros movementos no Leis pensando na próxima tempada
Por Redacción |
-
Rafa Sáez: "La afición está muy volcada, la gente pregunta por las calles, habla y contagia a todo el equipo"
Por Almu Dapena |
-
Sen positivos na rolda de test realizada a Arousa, Leis e O Fisgón
Por Redacción |
-
Tres meses despois, o Leis volve traballar en grupo coa mente posta no ascenso
Por Manu Otero |
-
Oficial: O Arosa xogará o ascenso a Segunda B no estadio vigués de Balaídos
Por Redacción |
-
O Leis Pontevedra, preocupado polas lesións no regreso aos adestramentos
Por Almu Dapena |
-
O Fisgón e Leis, primeiros equipos galegos en someterse aos test de Covid-19
Por Diego Espiño | Creada e actualizada