Tai Badmus deixa o Peixe Galego despois de dúas tempadas e ficha polo Basquet Coruña
Por Redacción
Despois de dúas tempadas nas que foi unha das grandes referencias do equipo, Taiwo Badmus despídese do Marín Peixe Galego.
O aleiro irlandés foi confirmado este martes como primeiro reforzo doutro equipo galego de LEB Ouro, o Basquet Coruña, que partirá co obxectivo de pelexar polo ascenso á máxima categoría.
Badmus foi peza clave no ascenso a Ouro, e a pasada campaña a pesar dos discretos números do equipo en xeral alcanzou de media 12,7 puntos e 5,8 rebotes por partido, cunha valoración 12,6 que demostraba o seu potencial como home importante na categoría.
Tras confirmarse a noticia o club da Raña quixo desexar "boa sorte" a un xogador que se integrou desde o primeiro momento como un membro máis da familia 'Peixe'.
Congratulations @BasketballerGuy
— MARIN PEIXEGALEGO (@CLUBPEIXEGALEGO) June 30, 2020
Good luck! https://t.co/wCCyBpXcTZ
Trátase dunha saída importante a nivel deportivo, aínda que no Peixe Galego nestes momentos todos os esforzos están centrados na parte económica e en lograr os recursos necesarios para repetir experiencia na LEB Ouro. Despois de superar ese trámite chegará o momento de pensar na planificación do seu plantel, no que se hai algo seguro é a continuidade de Diego Gómez como adestrador principal.
Relacionadas:
-
Oficial: A Federación deixa o Peixe Galego sen praza en LEB Ouro e o resto de categorías nacionais
Por Diego Espiño |
-
O Peixe Galego paga a inscrición en LEB Ouro pero chega tarde co aval e queda en mans da Federación
Por Diego Espiño |
-
Última bala no Peixe Galego para tentar saír en LEB Ouro
Por Diego Espiño |
-
O Peixe Galego solicita á FEB a súa praza en LEB Ouro e non se esquece da Liga Feminina 2
Por Redacción |
-
17 de xullo, data tope do Peixe Galego para inscribirse nunha LEB Ouro que se dividirá en dous grupos
Por Diego Espiño |
-
A Federación Española denega a praza en Liga Feminina 2 ao Peixe Galego
Por Diego Espiño |
-
O Peixe Galego dobra a súa aposta e formaliza a inscrición dun equipo na Liga Feminina 2
Por Diego Espiño |
-
Satisfacción na Raña por dar por concluída a liga regular en LEB Oro
Por Redacción |
-
O Peixe Galego sálvase; a Liga LEB Ouro terminará sen descensos
Por Diego Espiño |