Carla Fernández renova como temón do Arxil e cumprirá a súa undécima tempada no club
Por Redacción
Ver xogar ao Club Baloncesto Arxil sen Carla Fernández faríase algo estraño, e é que a base viguesa vai cumprir a súa undécima tempada no equipo verde, no que se converteu nunha peza indispensable dentro dos esquemas de Mayte Méndez.
Carla chegou a un acordo co Arxil para renovar por unha campaña máis, co que engrosará as súas xa impoñentes estatísticas como xogadora da Liga Feminina 2, categoría na que disputou máis de 300 partidos.
A base chegou ao cadro pontevedrés na tempada 2010/2011, e desde entón foi sumando cada vez máis ao equipo. De feito no curso recentemente finalizado acumulaba de media máis de 35 minutos en pista por partido, con 10,6 puntos, 4,2 rebotes e e 2,86 roubos, o que a situou como segunda mellor recuperadora da liga.
"Nestes dous últimos anos á parte da súa faceta ofensiva e de directora no xogo, foi un baluarte a nivel defensivo", destacan desde o Arxil.
Pola súa banda a xogadora recoñeceu tras a renovación que "como siempre con muchas ganas y con mucha ilusión de volver a las pistas" esperando "un año lleno de muchas alegrías y muchos partidos ganados".
Máis novas, este ano Carla Fernández continuará a ser o timón do noso equipo, a base viguesa seguirá asi por undécima tempada sendo a extensión de Maite na pista.
— CB Arxil (@ArxilCb) July 24, 2020
Felicidades @Charlita9 #FAMILIAVERDE #LF2#LigaFemenina2#estaestugrada pic.twitter.com/mTW34JeHYI
Coa súa renovación o plantel arxilista segue tomando firma con sete pezas confirmadas, ao sumarse ás renovadas Natalia López, Cristina Díaz-Pache, Margarita Moreira e Heather Forster e ás fichadas Noelia Masiá e Bineta Ndoye.
Relacionadas:
-
A renovación de Aldara pecha o plantel do Arxil á falta dunha última fichaxe
Por Redacción |
-
María Lago cumprirá esta tempada unha década defendendo as cores do Arxil
Por Redacción |
-
Violeta Crespo sobe ao primeiro equipo do Arxil
Por Redacción |
-
Noa Casalderrey renova co Arxil para xogar no filial pero con "máis presenza no primeiro equipo"
Por Redacción |
-
Un inicio de tempada en clave galega para o Arxil e o Cortegada na Liga Feminina 2
Por Redacción |
-
O Arxil blíndase na pintura coa fichaxe da internacional senegalesa Bineta Ndoye
Por Diego Espiño |
-
Confirmada a configuración de grupos en LF2 para Arxil e Cortegada e sen o Peixe Galego
Por Redacción |
-
Estudantes e deportistas. 100% de aprobados na EBAU para as xogadoras do Arxil
Por Almu Dapena |
-
Margarita Moreira dá continuidade ás renovacións no Arxil
Por Redacción |
-
Acordo entre o Arxil e Heather Forster para a súa renovación por unha tempada
Por Redacción |
-
O Arxil formaliza a súa inscrición en Liga Feminina 2 e cumprirá 20 anos na categoría
Por Redacción |