María Lago cumprirá esta tempada unha década defendendo as cores do Arxil
Por Redacción
O Arxil volverá ser capitaneado nas canchas un ano máis por María Lago. A base do equipo verde chegou a un acordo para renovar o seu contrato co conxunto pontevedrés para cumprir así dez anos lucindo as cores da escuadra lerezana nos que foi crecendo ano a ano ata converterse na líder do equipo.
"Converteuse nunha das xogadoras máis decisivas", sinalan desde o club. Os números ratifícano porque promedia 10,7 puntos por partido, 3,7 asistencias e unha valoración de 11,7.
A xogadora do Porriño chegou a Pontevedra hai dez anos para estudar e "desde o primeiro día tanto Mayte como San fixeron todo o posible para que me sentise como na casa", agradece Lago, quen espera que "quitar o mal sabor de boca que deixou a pasada tempada pola forma na que terminou" e espera volver ter á afección nas bancadas "porque para nós é súper importante".
Desde a dirección deportiva do club tamén confían en que a nova tempada sexa mellor que a anterior. As fichaxes de Noelia e Bineta, así como a recuperación da lesionada Natalia convidan o optimismo e "se nos respectan as lesións estaremos a pelexar con todos os equipos", rematan.
Doutra banda, o calendario da Primeira Nacional feminina xa foi sorteado. O Arxil Mafari debutará en Ourense fronte ao Carmelitas nun inicio de competición fixado para o 10 de outubro. Pola súa banda, o partido de rivalidade fronte ao Peixe Galego está previsto para o 22 de novembro no CGTD.
Relacionadas:
-
Pretempada de catro semanas para o Arxil
Por Redacción & Mónica Patxot |
-
O 31 de agosto, data elixida polo Arxil para iniciar a pretempada
Por Redacción |
-
O equipo júnior do Arxil, primeiro en retomar os adestramentos pensando na fase de ascenso
Por Redacción |
-
A renovación de Aldara pecha o plantel do Arxil á falta dunha última fichaxe
Por Redacción |
-
Violeta Crespo sobe ao primeiro equipo do Arxil
Por Redacción |
-
Noa Casalderrey renova co Arxil para xogar no filial pero con "máis presenza no primeiro equipo"
Por Redacción |
-
Carla Fernández renova como temón do Arxil e cumprirá a súa undécima tempada no club
Por Redacción |
-
Un inicio de tempada en clave galega para o Arxil e o Cortegada na Liga Feminina 2
Por Redacción |
-
Margarita Moreira dá continuidade ás renovacións no Arxil
Por Redacción |
-
Acordo entre o Arxil e Heather Forster para a súa renovación por unha tempada
Por Redacción |
-
Cristina Díaz-Pache renova e cumprirá a súa novena tempada no Arxil
Por Redacción |
-
Noelia Masiá estrea o capítulo de fichaxes no Arxil
Por Redacción |
-
Natalia López, primeira renovación para o Arxil
Por Redacción |