Os árbitros de Pontevedra asinan unha petición para restituír como delegado a Manuel Vidal Araújo
Por Manu Otero
O colectivo arbitral de Pontevedra acaba de remitir un escrito ao presidente do Comité Técnico de Galicia de Árbitros de Fútbol, Bernardino González, para solicitar a restitución como delegado arbitral na área de Pontevedra a Manuel Vidal Araújo.
Cunha carta que conta con máis do 80 % do apoio dos colexiados e tamén co apoio de boa parte dos clubs, que farán chegar o seu propio escrito á Real Federación Galega de Fútbol, unha representación dos árbitros reuniuse este mércores con representantes da RFGF, estaba prevista a participación do presidente Rafael Louzán que por motivos persoais chegou cunha hora de retraso ao encontro onde xa estaba o vicepresidente Jose Manuel Fernández, para solicitar a súa reincorporación.
Na misiva, os asinantes expresan a súa "profunda preocupación pola noticia que vostedes nos comunicaron o 23 de xullo do 2020" sobre o cesamento do delegado "alegando como único motivo a falta de confianza cara á súa persoa".
Os árbitros resaltanel gran labor de Vidal Araújo ao longo de cinco anos á fronte da delegación e non comprenden as razóns de tal decisión cando o propio CTGAF "expresou publicamente o excelente labor de Manuel e do seu equipo".
Agradecen a Vidal Araújo a súa boa xestión deportiva e persoal, "conseguindo que convivísemos todos xuntos nun ambiente familiar considerando isto como algo fundamental para o bo funcionamento desta organización", subliñan na carta.
Relacionadas:
-
Ramón Arís releva ao cesado Manuel Vidal como delegado dos árbitros en Pontevedra
Por Redacción |
-
A RFEF esixe ao CSD un "plan transversal" para os deportes de equipo antes de iniciar as competicións
Por Manu Otero |
-
Un grupo de árbitros protesta polo cesamento de Manuel Vidal Araújo como delegado do CTA de Pontevedra
Por Diego Espiño |
-
27 árbitros pontevedreses examínanse para o ascenso a Primeira e Segunda galega
Por Cristina Saiz & Redacción |