Atletismo de nivel internacional para celebrar as festas da Peregrina
Por Redacción
As pistas de atletismo do Centro Galego de Tecnificación Deportiva acollerán este venres a celebración da quinta edición da festa do atletismo galego. Un evento que organiza o Club Atletismo Rías Baixas con motivo das festas da Peregrina e que este ano contará cun elenco de deportistas de recoñecido prestixio internacional.
Competirán nas pistas pontevedresas varios campións de España e con ampla experiencia internacional como os saltadores de lonxitude, Jean Marie Okutu e Leticia Gil; a lanzadora de xavelina Lida Parada ou a saltadora de altura Saleta Fernández.
Dadas as restricións de acceso ao público pola situación sanitaria, o evento será retransmitido en directo pola canle de Youtube do club organizador, que contará ademais cun reputado narrador cuxa identidade non foi aínda desvelada.
A competición comezará ás 19.30 e estenderase ata pasadas as 21 horas. Durante ese tempo, os espectadores poderán vibrar coa emoción onde modalidades atléticas entre as que destacan os saltos, a velocidade e os lanzamentos.
Relacionadas:
-
O prometedor atleta David Vicente debutará co Playas de Castellón no torneo de Reis de Pontevedra
Por Redacción |
-
Atletismo de alto nivel e moitas máscaras na festa da Peregrina
Por Redacción |
-
Pontevedra será o venres a capital do atletismo galego con máscara
Por Manu Otero |
-
A Sociedad Gimnástica regresa á competición tras o parón pola Covid-19
Por Redacción |
-
O atletismo galego reactívase cun control federativo en Pontevedra
Por Redacción |
-
Adrián Ben pon o punto deportivo ao ciclo En3vistas: "O galego é unha das cousas que máis boto de menos cando estou en Madrid"
Por Redacción & Mónica Patxot |