Os carnés de socios do Teucro poderán tramitarse online e telos descargados no móbil
Por Diego Espiño
Nunha tempada que se presenta con tantas dúbidas e complicacións como a que está a piques de comezar, toda axuda é pouca para tentar cadrar as contas, por ese motivo a Sociedad Deportiva Teucro pide o máximo apoio posible á súa masa social.
O Concello de Pontevedra foi escenario este xoves dunha rolda de prensa do club teucrista con representantes do goberno local, os concelleiros de Deportes e Turismo (Agustín Fernández e Yoya Blanco), para dar un impulso á campaña de socios do vicedecano do balonmán nacional.
"Nesta tempada que se presenta complicada pola situación que estamos a vivir os equipos de Pontevedra, neste caso o Teucro, precisa o apoio da súa afección", salientou o edil de Deportes.
Ademais, lembrou Laura del Castillo desde o Teucro, "hemos bajado los precios a algo razonable que todos puedan pagar", en relación aos prezos presentados a finais do mes de xullo.
Doutra banda, pensando en minimizar os contactos sociais, o Teucro dará a opción de tramitar o abono online a través da plataforma Cluber, onde se poderá obter o carné e descargalo no teléfono móbil. Con todo para os que prefiran o tradicional formato físico, poderá retiralo na oficina do club tras solicitar previamente cita por teléfono ou a través da web www.teucro.com.
Relacionadas:
-
O Teucro pon fin á pretempada con vitoria sobre o Chapela (16-22) e derrota contra o Sant Joan de Alacante (21-22)
Por Redacción |
-
Vitoria do Teucro fronte ao Balonmán Cañiza no seu segundo partido de pretempada (27-31)
Por Redacción |
-
Stefan Manoljovic aterra en Pontevedra para incorporarse aos adestramentos do Teucro
Por Redacción |
-
Derrota do Teucro no amigable ante o Atlético Novás tras unha desastrosa primeira metade (30-21)
Por Almu Dapena |
-
O Atlético Novás, pedra de toque na preparación de Cisne e Teucro
Por Redacción |
-
O Teucro ficha o lateral esquerdo Diego Martínez
Por Redacción |
-
Irene Vilaboa: "Necesitamos chegar todos os equipos nas mesmas condicións, desde o primeiro día xogámonos a vida"
Por Manu Otero |
-
O Teucro volve aos adestramentos sen contactos nin partidos de pretempada
Por Manu Otero |
-
Rebaixa nos prezos para unha campaña de socios do Teucro que é "máis que balonmán"
Por Redacción |