O Arxil, pendente da Copa Galicia para planificar a parte final da súa pretempada
Por Redacción
O Club Baloncesto Arxil traballa ao fin ao completo para preparar a nova tempada da Liga Feminina 2 tras a chegada a Pontevedra da estadounidense Heather Forster.
A pívot norteamericana aterrou este martes na Boa Vila e someteuse ás probas de detección de coronavirus antes de incorporarse ao grupo xunto ao resto das súas compañeiras. O que si puido é polo menos exercitarse á marxe para ir collendo o ton físico.
O resto de integrantes do plantel e corpo técnico arxilista foron pasando estes días as obrigadas probas PCR, sen que se rexistrou ningún positivo.
Desta forma o conxunto verde dá un importante paso cara ao inicio da competición, á espera de poder pechar o tramo final da pretempada coa disputa de varios encontros.
Neste aspecto as pontevedresas están pendentes da decisión da Federación Galega de Baloncesto sobre a Copa Galicia, que de seguir adiante disputaría a súa primeira fase a final de mes (21 ao 27 de setembro) servindo de test para o inicio da liga a principios de outubro.
No esquema previsto no torneo autonómico, o Arxil xogaría dentro do grupo sur xunto a Cortegada e Celta, que pasarían por ser desta forma os dous encontros de preparación previstos antes de que comece a Liga Feminina 2.
Relacionadas:
-
Derrota do Arxil en Vigo no seu primeiro partido de Copa Galicia e da pretempada (64-59)
Por Redacción |
-
A Federación esixe test de Covid semanais aos equipos de Liga Feminina 2
Por Redacción |
-
O Arxil 'traslada' a súa pretempada ao Lago de Castiñeiras
Por Redacción |
-
O Arxil presenta o seu novo arsenal para asaltar o playoff
Por Manu Otero |
-
Pretempada de catro semanas para o Arxil
Por Redacción & Mónica Patxot |
-
O 31 de agosto, data elixida polo Arxil para iniciar a pretempada
Por Redacción |
-
O equipo júnior do Arxil, primeiro en retomar os adestramentos pensando na fase de ascenso
Por Redacción |
-
O Arxil pecha o seu plantel coa chegada da alero Sara Castro
Por Redacción |