Ouro para Antía Chamosa e prata para Jean Marie Otuku no Campionato de España de Atletismo
Por Almu Dapena
Éxito pontevedrés no Campionato de España Absoluto que durante a fin de semana en Madrid. Trátase do campionato do centenario da Real Federación Española de Atletismo onde, ademais da distancia social e as máscaras, a Federación de Atletismo implantou a novidade de que a disputa está a ser en varios estadios da comunidade madrileña. O Polideportivo José Caballero, en Alcobendas acolle os saltos (excepto a pértega); o Polideportivo Municipal de Moratalaz, os lanzamentos; o Estadio de Vallehermoso é o escenario do fondo, medio fondo, da marcha, das probas combinadas e do salto con pértega; mentres que no Polideportivo Juan de la Cierva, en Getafe, dispútase a velocidade, os valos e as substitucións.
En canto á xornada do sábado, un dos atletas máis destacados foi o marinense Jean Marie Otuku, que se proclamou subcampión de España de salto de lonxitude cun mellor intento de 7.78 metros.
Pola súa banda, a atleta da Gimnástica, a cuntiense Antía Chamosa, que partía coa mellor marca de todas as participantes nos 10.000 marcha, demostrou ser a mellor da competición e colgouse o ouro tras parar o cronómetro en 48:35.20.
A atleta da categoría sub23, Joselyn Brea, que se enfrontaba a atletas senior onde a experiencia eran un grao en campionatos deste nivel, foi segunda en 5.000 metros lisos (16:12.54), mentres que David de la Fuente quedou fóra da final dos 800 metros ao quedar en sexto lugar na semifinal do sábado.
Da Gimnástica tamén competiron Diego Casas e Raúl Pagán. Casas lanzou o disco ata unha distancia de 51,13 metros, o que lle outorgou a sexta posición na devandita categoría e Pagán, en xavelina, chegou aos 61.55 metros, conseguindo unha sétima posición que o deixou fóra do podio.
Por último, Francisco López e Lucía Ferrer víronse as caras no Polideportivo Juan da Cierva, de Getafe para correr os 110 m e 100 m valos respectivamente. López, cun tempo de 14.19 logrou clasificarse para a final que se disputará o domingo pola tarde, mentres que Ferrer quedou fóra tras chegar a meta nun tempo de 15.22.
A última xornada de competición será este domingo, pero con menos participación da Gimnástica. Eva Arias correrá os 3000 m obstáculos e Jaime Canas nos 10000 m macha para poñerlle a cor branquiazul a Vallehermoso e, á mesma hora, Xiana González, Lucía Ferrer, Claudia Torres e Cristina Garrido farán o propio no 4x100 en Getafe.
Relacionadas:
-
Antía Chamosa bate o récord de España Sub-23 nos 35 quilómetros marcha
Por Redacción |
-
O CGTD acolle este domingo o campionato autonómico de marcha
Por Manu Otero |
-
O Campionato de España Sub-20, próximo reto para os atletas da Gimnástica
Por Redacción |
-
A Gimnástica reformula a súa escola de atletismo para adaptarse ás restricións da COVID
Por Redacción |
-
Antía Chamosa, da Gimnástica, prata no Nacional Sub23 celebrado en Sevilla
Por Redacción |
-
A Gimnástica viaxa a Sevilla con aspiracións de medalla no Campionato de España Sub 23
Por Redacción |
-
Nove atletas da Gimnástica competiron no Campionato de España celebrado en Madrid
Por Redacción |
-
Outro cuarto posto para a Gimnástica na Copa de España, esta vez co equipo masculino
Por Almu Dapena |
-
Cuarto posto para o equipo feminino da Gimnástica na Copa de España
Por Redacción |
-
A Gimnástica, satisfeita co resultado dos seus atletas no Campionato Galego Absoluto
Por Redacción |