Pasarón poderá contar cun aforo superior aos 1.000 espectadores recomendados polo Consello Superior de Deportes
Por Diego Espiño
O aforo do Estadio Municipal de Pasarón poderá ser superior aos 1.000 espectadores que recomenda como máximo o Consello Superior de Deportes na normativa actual para espazos ao aire libre.
O Secretario Xeral para o Deporte, José Ramón Lete, xa recoñeceu recentemente que traballaban nesa opción, e o organismo que dirixe contactou cos clubs galegos aos que afectaría esta restrición para pedirlles que elaboren un protocolo específico para as súas instalacións que garanta a seguridade en caso de ampliación.
Desta forma, o Pontevedra Club de Fútbol deberá presentar un protocolo no que se calculará a capacidade máxima de Pasarón cumprindo unha serie de requisitos establecidos por Sanidade, como a separación de 1,5 metros entre as persoas. Ademais será obrigatorio o uso de máscaras ou o control de temperatura, e deberanse reforzar as medidas de hixiene e desinfección, coa colocación de cartelería informativa e de dispensadores de xel.
Outros aspectos a cumprir para os espectadores será levar a cabo un control nominal dos asistentes, tanto na súa entrada como no asento que ocupen, que estará asignado previamente mediante o carné de socio ou coa entrada despachada en venda anticipada.
A única dúbida a este protocolo é que estará supeditado á aprobación da autoridade sanitaria e que non estean establecidas na cidade medidas de restrición, como sucede actualmente en Pontevedra ao estar incluído o municipio entre as zonas con medidas especiais de restrición.
Cumprindo todos estes aspectos, será o propio Pontevedra CF o que poida calcular canta xente poderá acceder ao Estadio Municipal de Pasarón esta liga, o que sería un gran alivio para a entidade granate, xa que nun estadio con preto de 12.000 espectadores de capacidade ábrese a porta para dar cabida, polo menos, a todos os seus abonados.
Relacionadas:
-
Sanidade segue sen autorizar a presenza de máis de 1.000 espectadores nos campos de Segunda B
Por Diego Espiño |
-
Lete Lasa sinala que será Saúde Pública quen autorice a ampliación de aforo do estadio de Pasarón "pola vía da excepción"
Por Diego Espiño |
-
O Pontevedra presenta a súa esperada campaña de abonados coa idea de que "todos los socios entren en Pasarón"
Por Diego Espiño |
-
Charles e Rufo afinan a súa puntería e dan a vitoria ao Pontevedra na súa visita ao Celta B (2-3)
Por Almu Dapena |
-
O Pontevedra contacta cos seus socios para saber se querrán ir ao fútbol este ano e distribuilos no estadio
Por Manu Otero |
-
Suspendido o amigable entre Compostela e Pontevedra polo positivo en COVID dun familiar dun xogador santiagués
Por Diego Espiño |
-
O Pontevedra visitará a Compostela e Celta B á espera de pechar outros dous amigables
Por Manu Otero |
-
Primeiro amigable e primeira vitoria para o Pontevedra, ao superar o Coruxo no Vao (0-1)
Por Diego Espiño |
-
A Federación Galega de Fútbol rexeita o uso da máscara e avanza que "buscará alternativas"
Por Almu Dapena |
-
A Xunta establece o uso de máscara no deporte autonómico salvo que as federacións "inclúan medidas alternativas de protección"
Por Diego Espiño |
-
O Pontevedra iniciará a liga en Ferrol e espera a visita do Deportivo a Pasarón o 6 de decembro
Por Diego Espiño |
-
Aprobado o protocolo do Consello Superior de Deportes que regula a actividade do deporte non profesional
Por Redacción |
-
Jesús Ramos, sobre a chegada de máis reforzos ao Pontevedra: "Se cadra temos as solucións na canteira"
Por Diego Espiño |
-
Lete Lasa asegura que non subir de 1.000 espectadores para clubs como o Pontevedra "sería abocalos ao peche"
Por Diego Espiño |