O Teucro pon fin á pretempada con vitoria sobre o Chapela (16-22) e derrota contra o Sant Joan de Alacante (21-22)
Por Redacción
Dobre dose de amigables para a Sociedad Deportiva Teucro para pechar a pretempada a unha semana de comezar a liga regular de División de Honra Prata onde recibirán ao UBU San Pablo Burgos no Pavillón Municipal.
Aos pupilos de Irene Vilaboa, que xa xogaran dous amigables previos, un ante o Atlético Novás (derrota) e outro contra o BM A Cañiza (vitoria), tocoulles medirse ao BM Sant Joan, de Alacante, e ao CB Chapela.
O sábado desprazáronse para enfrontarse ao conxunto de Redondela, onde xa nos primeiros minutos demostraron ser un equipo de maior categoría ao poñerse cunha vantaxe de 2-7 cando se alcanzaba o ecuador da primeira metade. A partir de aí seguiron na súa liña, aumentando a vantaxe a sete tantos ao chegar ao descanso (5-12).
Despois do paso polo vestiario o Teucro seguiu dominando. Aos 15 minutos xa levaban unha diferenza de nove goles (9-18), pero o Chapela reduciu distancias cun parcial final de 7-4 que non foi suficiente para remontar o encontro (16-22).
Pola súa banda, o partido disputado o venres contra o Sant Joan no Pavillón Multiusos A Xunqueira saldouse con derrota do equipo pontevedrés.
Foi un duelo moi igualado ata o asubío final. A primeira parte foi para o equipo dirixido por Irene Vilaboa (11-10) pero, no segundo acto, o equipo alacantino tivo maior fortuna e levou a vitoria no que foi o terceiro amigable para o Teucro (21-22).
Relacionadas:
-
Miguel Sio, Dzokic y Caue serán os capitáns do Teucro para esta tempada
Por Redacción |
-
O Teucro está listo para empezar a liga coa promesa de ser "un equipo diferente aos demais"
Por Manu Otero |
-
Vitoria do Teucro fronte ao Balonmán Cañiza no seu segundo partido de pretempada (27-31)
Por Redacción |
-
Stefan Manoljovic aterra en Pontevedra para incorporarse aos adestramentos do Teucro
Por Redacción |
-
Derrota do Teucro no amigable ante o Atlético Novás tras unha desastrosa primeira metade (30-21)
Por Almu Dapena |
-
Os carnés de socios do Teucro poderán tramitarse online e telos descargados no móbil
Por Diego Espiño |