Saleta Castro vence nun tríatlon de distancia olímpica 11 meses despois da súa última competición
Por Diego Espiño
Foi unha longa travesía no deserto, pero despois de 11 meses sen competir no seu deporte, o tríatlon, Saleta Castro volveu ao rodo da mellor maneira posible, subindo o máis alto do podio.
A deportista pontevedresa participou este domingo no Infinitri de Almassora, en Castelló, na modalidade olímpica.
"En 19 anos facendo tríatlon nunca estivera tanto tempo sen competir no deporte que é a miña paixón, 11 meses sen facer unha proba. Non vou falar de sensacións, nin tempos, nin calquera tipo de escusa. Simplemente vou dar as grazas á organización @infinitrihalf e á toda a xente que fixo posible esta gran proba, aos participantes polo gran ambiente vivido e ao público que respectando todas as medidas estivo animando e apoiándonos", explicou Saleta tras a proba nas súas redes sociais.
O certo é que a pesar de non falar de sensacións Saleta foi a vencedora na categoría feminina de maneira clara cun tempo de 2 horas, 14 minutos e 33 segundos, con case 4 minutos de vantaxe sobre Natalia Bermúdez e 11'24'' sobre Enereitz Urrutia, prata e bronce respectivamente.
Foi a cuarta edición deste tríatlon, no que tal e como recoñeceu a organización participaron preto de 300 deportistas nas súas respectivas categorías e modalidades, xa que tamén contou con carreiras de media distancia.
Relacionadas:
-
Saleta Castro busca nos Dolomitas o cetro europeo de tríatlon cros
Por Manu Otero |
-
Cozumel acolle a Gómez Noya e Saleta Castro, que participarán no próximo Challenge Cancún
Por Diego Espiño |
-
Saleta Castro debuta na Titan Desert con podio e unha experiencia "brutal"
Por Diego Espiño |
-
Saleta Castro cambia o Nacional Sprint de Pontevedra pola Alps Epic, unha proba de resistencia nos Alpes
Por Diego Espiño |
-
A triatleta Saleta Castro recupera o temón das súas redes sociais logo do asalto dos piratas
Por Manu Otero |
-
Javi Gómez Noya e Saleta Castro participan nunha travesía a nado solidaria en Oleiros
Por Redacción |