Sorteado o calendario de Terceira: O Arosa debuta na casa contra o Arenteiro, o Ribadumia visita ao Ourense CF
Por Manu Otero
A sede da Real Federación Galega de Fútbol en Santiago de Compostela albergou este xoves 24 de outubro o sorteo do calendario da primeira fase da Terceira División do grupo galego que este ano, como consecuencia da extraordinaria situación sanitaria, estará dividido en dous subgrupos. O subgrupo A con equipos da Coruña e Lugo, e o subgrupo B con equipos de Pontevedra e Ourense.
O día 18 de outubro, igual que na Segunda B, botará a rodar o balón nos campos galegos. Os dous equipos da comarca arousá que compiten este ano na Terceira División, Arousa e Ribadumia, debutarán fronte a equipos ourensáns. Os primeiros farano en casa contra o Arenteiro e os segundos a domicilio contra o Ourense CF.
Na seguinte xornada, os vilagarciáns visitarán ao UD Ourense e finalizarán a primeira fase en casa contra o Alondras. Mentres que o Ribadumia estrearase como local na segunda xornada contra o CD Choco e terminará a liga visitando ao Arenteiro. Descarga aquí o calendario completo do subgrupo 1 B da Terceira División.
Esta primeira fase terá un total de 22 xornadas e concluirá o 21 de marzo. Despois os equipos reorganizaranse nunha segunda fase en función da posición na que remataron a primeira fase. Deste xeito, os tres primeiros de cada grupo enfrontaranse nunha nova liguiña aos tres primeiros do outro grupo, arrastrando todos os rexistros de puntos e goles da primeira fase. Ao concluír esta segunda liguiña de seis xornadas, os dous primeiros ascenderán de forma directa á nova Segunda B, que na tempada 2021/2022 pasará a chamarse Segunda RFEF.
Os equipos restantes pasarán a unha terceira fase, na que volverán reunirse cos cuartos, quintos e sextos para unha repesca da que sairá outro ascenso á Segunda RFEF. Consulta nesta ligazón as bases de competición da Terceira División para a tempada 2020/2021.
Relacionadas:
-
Repartición de puntos entre Ribadumia e Estradense tras un partido de infarto (3-3)
Por Redacción |
-
Un erro defensivo condena o Arosa fronte o Arenteiro
Por Almu Dapena |
-
A Federación Galega comprométese cos clubs a axudar a financiar os test e a figura do xefe médico
Por Redacción |
-
O Ribadumia accede á fase previa da Copa do Rei tras gañar nos penaltis ao Viveiro (1-1)
Por Redacción |
-
O último amigable do Arosa sáldase cun empate 'in extremis' fronte ao Bergantiños (2-2)
Por Almu Dapena |
-
O Ribadumia, a un partido de meterse na Copa do Rei
Por Redacción |
-
A RFEF aclara a nova 2ª B: os tres primeiros de cada grupo terán que superar unha segunda fase e un play-off para subir
Por Redacción |
-
Aprobado o protocolo do Consello Superior de Deportes que regula a actividade do deporte non profesional
Por Redacción |
-
A Federación Galega de Fútbol lanza a súa proposta para Preferente e confía en poder iniciar a liga o 31 de outubro
Por Redacción |