O Arxil, listo para unha tempada na Liga Feminina 2 na que "cada partido tiene que ser como una final"
Por Diego Espiño
Péchase unha pretempada "tremendamente extraña" para o Club Baloncesto Arxil, que xa prepara a conciencia a primeira xornada da Liga Feminina 2 que lle enfrontará o vindeiro sábado 3 de outubro (19.30 horas) ao Baxi Ferrol no Centro Galego de Tecnificación Deportiva.
A súa adestradora, Mayte Méndez, asegura que estas semanas foron complicadas "en cuanto a todo, no sólo la Covid sino el uso de las instalaciones o el gimnasio".
As restricións impostas só permitiron ao equipo pontevedrés disputar dous encontros nesta época, en Copa Galicia, con derrota axustada ante o Celta e triunfo claro fronte ao Cortegada. "Mostramos una poca falta de coordinación todavía y también falta de puntería en el tiro", recoñece a preparadora, satisfeita con todo do traballo das súas xogadoras.
Tanto é así que aínda que prefire non poñer nome aos obxectivos do Arxil este curso, asegura que "el equipo está fuerte mentalmente que es lo importante".
Para Mayte Méndez "tenemos una plantilla compensada con muchas posibilidades de juego", polo que "sólo queda tener un poco de suerte con lesiones o posibles confinamientos" para tentar pelexar polos postos altos da táboa.
Polo de súpeto o primeiro partido oficial da tempada será unha boa proba do nivel que pode dar o Arxil, ao recibir a visita dun dos favoritos do grupo. Por iso, do mesmo xeito que o resto de xornadas ante o que poida pasar pola pandemia "cada partido tiene que ser como una final porque no sabes lo que va a pasar la siguiente semana o en 15 de días", defende a adestradora, que non poderá contar para o debut con Violeta ao estarse a recuperar dunha lesión muscular.
Relacionadas:
-
Vitoria sufrida do Arxil na súa estrea ligueira ante o Maristas Coruña (67-73)
Por Almu Dapena |
-
O Arxil supera sen positivos os test de COVID previos ao comezo da Liga Feminina 2
Por Redacción |
-
O Arxil recibe os test de COVID que aseguran poder empezar a liga o 10 de outubro
Por Redacción |
-
Suspendida a primeira xornada da Liga Feminina 2 de baloncesto "ante a falta de garantías sanitarias"
Por Diego Espiño |
-
Vitoria arroiadora do Arxil fronte ao Cortegada no segundo partido de Copa Galicia (62-38)
Por Mónica Patxot & Almu Dapena |
-
Derrota do Arxil en Vigo no seu primeiro partido de Copa Galicia e da pretempada (64-59)
Por Redacción |
-
A Federación esixe test de Covid semanais aos equipos de Liga Feminina 2
Por Redacción |
-
Aprazadas as dúas primeiras xornadas da Primeira Nacional de baloncesto feminino para Peixe Galego e Arxil
Por Redacción |
-
O Arxil 'traslada' a súa pretempada ao Lago de Castiñeiras
Por Redacción |