Ania Setién, do Bádminton Ravachol Pontevedra, campioa do Internacional de España júnior
Por Redacción
Fin de semana cargada de emoción para o Club Bádminton Ravachol Pontevedra, coa disputa do internacional de España júnior, proba do circuíto mundial júnior de bádminton, celebrado entre o pasado venres e a mañá deste domingo en Oviedo.
O evento contou coa participación de tres deportistas do club pontevedrés, Ania Setién, Gabriel Fernández e Natalia Murio.
O resultado máis destacado foi para Ania Setién, que sumou unha nova vitoria no circuíto internacional, esta vez na modalidade de dobres feminino xunto á súa compañeira Lucía Rodríguez. A dupla galega dominou o torneo de principio a fin, sen ceder nin un set en toda a competición logrando alzarse coa vitoria tras vencer na final ás tamén españolas Laura Álvarez e Candela Arcos. Con todo, en individual, as molestias que estivo a arrastrar lastraron a súa condición de favorita, caendo en cuartos de final fronte á estradense Nikol Carulla.
Pola súa banda, Gabriel Fernández levou a medalla de bronce en individual e alcanzou os cuartos de final en dobres xunto ao seu compañeiro madrileño Alejandro De Pablo. Natalia Murio, ao contrario que os seus compañeiros, disputou a modalidade de dobres mixto xunto a Álvaro Moral, e tras vencer aos portugueses Gomes e Fernándes en primeira rolda, caeron fronte a Rodrigo Sanjurjo e Nikol Carulla en oitavos de final.
CIRCUITO GALLEGO SUB17
Esta fin de semana tamén se celebrou o Circuito Gallego Sub17. Ata Vigo desprazáronse Xose Manuel García, Hugo Salgueiro e Lea Illán acompañados do técnico Jesús Pereiro.
O resultado máis destacado para os xogadores do Ravachol foi a medalla de prata conseguida por Salgueiro e García en dobres masculino despois de caer nunha axustada final ante Javier Pereira e Martín Iglesias (A Estrada/ Athlos).
Pola súa banda, Xose Manuel García levou o bronce en individual, mentres que Lila Illán, en dobres feminino, pechou o medalleiro con outro bronce xunto á súa compañeira Iziar Barcala (A Estrada).
A próxima semana continuarán as citas para o Bádminton Ravachol co desprazamento do Primeiro Equipo a Benalmádena para disputar a terceira xornada de División de Honra, e a canteira viaxará ata As Neves para xogar un circuíto autonómico Sub 15 e Sub 19.
Relacionadas:
-
Complicada estrea dos representantes do Ravachol no torneo individual do Europeo Junior de bádminton
Por Redacción |
-
Un Trofeo Cidade de Pontevedra de bádminton sen público pero mantendo a súa esencia
Por Redacción & Cristina Saiz |
-
O Trofeo Cidade de Pontevedra de Bádminton chega á súa cuarta edición con estritas medidas de seguridade
Por Redacción |
-
O Ravachol segue sen coñecer a vitoria tras caer co Benalmádena por 6-1
Por Redacción |
-
Ania Setién e Gabriel Fernández, convocados pola selección nacional júnior para competir no Europeo
Por Redacción |
-
Derrota do Bádminton Ravachol por 0-7 fronte a un dos candidatos ao título, o Oviedo
Por Cristina Saiz & Almu Dapena |
-
Debut con derrota para o Bádminton Ravachol na División de Honra ante o San Fernando
Por Almu Dapena |