Nere Moldes, convocada por primeira vez pola Selección Española Absoluta: "No me lo esperaba"
Por Diego Espiño
Desde Combarro ata a Selección Española Absoluta de Fútbol Sala. O combinado nacional chamou por primeira vez a Nere Moldes para unha das súas convocatorias.
A canteirá do Poio Pescamar, con quen debutou na máxima categoría e proclamouse campioa de España en categoría inferiores, fixo as maletas hai uns anos para compaxinar estudos e deporte en Madrid. Agora, cando está a piques de comezar o seu segundo curso no Alcorcón, chegoulle a oportunidade de debutar con España.
"La verdad es que no me lo esperaba", recoñeceu Nere tras recibir a boa noticia, un salto ao equipo nacional que vive "con mucha ilusión y ganas, y también con algo de nervios".
Moldes pensa xa en aproveitar a oportunidade e tentar consolidarse entre as mellores, aínda que consciente que "es complicado porque va lo mejor de la liga", polo que afronta o reto coa idea de "intentar ganármelo" pero "sobre todo disfrutar".
Xunto a ela esta convocatoria da Selección Española figura unha ex-compañeira en Poio como a pontevedresa Jenny Lores, do mesmo xeito que Caridad, actual gardameta conserveira. Non así Silvia Aguete, que cae da lista nesta ocasión.
O combinado nacional viaxará a Lisboa para enfrontarse nun dobre partido amigable a Portugal, co que empezar a preparar o próximo Campionato de Europa. Os encontros disputaranse os días 13 e 14 de outubro no pavillón Quinta dous Lombos (16:00 horas e 12:00 horas, respectivamente).
Relacionadas:
-
Aprazada a primeira xornada de liga do Poio Pescamar tras un positivo por covid-19 no Leganés
Por Diego Espiño |
-
A Primeira División de fútbol sala feminino reestrutúrase en dous grupos ante a incidencia da covid-19
Por Diego Espiño |
-
Goleada do Poio Pescamar no segundo partido de pretemporada ante o Viaxes Amarelle (6-2)
Por Cristina Saiz & Redacción |
-
Empate para o Poio Pescamar fronte ao Burela (2-2) no seu primeiro amigable de pretempada
Por Redacción & Mónica Patxot |
-
A Selección Española de fútbol sala dáse unha homenaxe en Marín ante Xapón (8-0)
Por Diego Espiño & Cristina Saiz |