Os equipos de natación e loita olímpica do CGTD, en corentena por dous casos positivos por Covid-19
Por Diego Espiño
O Centro Galego de Tecnificación Deportiva (CGTD) de Pontevedra está en alerta tras detectarse por primeira vez positivos por Covid-19 entre os atletas bolseiros.
Trátase en concreto de dous contaxios detectados nunha nadadora do equipo de tecnificación da súa disciplina e nun deportista do equipo de rendemento de loita olímpica.
"Temos a todos os nadadores de tecnificación illados, que son 10 en total, e os de rendemento de loita que foron a Sierra Nevada", confirma o director do CGTD, Suso López. Entre estes últimos atópanse dous deportistas que preparan o seu asalto aos Xogos de Tokyo como son os pontevedreses Lydia Pérez Touriño e Pablo García.
O primeiro caso, na disciplina de natación, detectouse o pasado mércores 7 de outubro, o que provocou o confinamento inmediato de toda a sección (tecnificación e rendemento) e tamén dos deportistas próximos na aula de estudos. "Ao final confinamos 22 persoas dunha tacada", sinala o responsable do centro.
Nese momento púxose en marcha un cribado entre os 127 deportistas bolseiros que estes días atópanse no CGTD, ademais de técnicos e persoal, detectándose un segundo caso nas probas realizadas aos loitadores tras participar nunha concentración nacional en Sierra Nevada.
Cabe destacar que ademais do cribado, os deportistas sométense a probas serolóxicas cada dúas semanas, segundo o protocolo da Secretaría Xeral para o Deporte, e tamén pasan probas antes ou despois de acudir a algunha concentración ou competición.
Os afectados atópanse confinados nos seus respectivos domicilios, estando previsto que o vindeiro venres día 16 Sanidade lles someta a novos controis. No caso de ser negativos "o domingo incorporaríanse" co inicio da nova semana.
Relacionadas:
-
Experiencia sen fortuna para Lydia Pérez na Copa do Mundo de Loita en Serbia
Por Redacción |
-
Convocan a Lydia Pérez para participar nun torneo internacional en Polonia, a súa primeira competición desde marzo
Por Redacción |
-
O CGTD incorpora 6 colaboradores para a atención aos deportistas
Por Redacción |
-
Os test serolóxicos realizados a deportistas e adestradores do CGTD, todos negativos
Por Redacción |
-
O CGTD pon en marcha o novo curso escolar coa chegada de todos os deportistas de tecnificación e rendemento
Por Redacción |
-
Horarios burbulla e restrición de espazos, medidas do CGTD para o inicio do curso académico
Por Almu Dapena |