O Leis confirma un positivo por Covid-19 no seu plantel e solicita o aprazamento do primeiro partido de liga
Por Diego Espiño
Malas novas para o Leis Pontevedra, que este luns confirmou os primeiros resultados das probas PCR realizadas ao seu plantel tras o amigable xogado a pasada semana fronte ao Santiago Futsal.
Un positivo por Covid-19 no conxunto compostelán puxo en alerta aos pontevedreses, que se confinaron o pasado mércores como medida de precaución ao coñecer os síntomas dun dos xogadores rivais.
Durante a fin de semana parte dos xogadores do Leis foron sometidos ás probas de detección do coronavirus, e unha delas deu resultado positivo, menres que tres compañeiros máis presentan síntomas compatibles.
O xogador afectado, confirman desde a entidade, presenta "algo de dor de cabeza, gorxa e un pouco de febre, pero está ben", aseguran.
Este é en todo caso un balance provisional, posto que o Leis seguía este luns á espera de que Sanidade completase a rolda de probas PCR aos seus xogadores e adestrador.
Ante esta situación considérase inviable disputar a primeira xornada de liga da Segunda División B de fútbol sala, que lle debía enfrontar a próxima fin de semana ao Cidade de Narón, e solicitou o seu aprazamento ao comité de competición.
Relacionadas:
-
O Santiago Futsal será o rival do Leis na terceira eliminatoria da Copa do Rei
Por Redacción |
-
O Leis pasa de rolda na Copa do Rei pola retirada do seu rival, O Esteo
Por Redacción |
-
O Leis retoma os adestramentos con dúas baixas por covid-19 e unha renuncia por problemas laborais
Por Manu Otero |
-
O sorteo da primeira rolda da Copa do Rei emparella o Leis co Esteo
Por Redacción |
-
O plantel do Leis Pontevedra, en confinamento tras un positivo por covid-19 no Santiago Futsal
Por Diego Espiño |
-
Positivo primeiro test de pretempada para o Leis, superando ao Santiago Futsal (6-3)
Por Redacción |
-
O Leis comeza a preparar o inicio da liga
Por Redacción |