Moito máis que goles: os intanxibles de contar con Charles e Rufo
Por Diego Espiño
A ninguén se lle escapa desde a pretempada que o Pontevedra Club de Fútbol conta esta tempada cunha das dianteiras máis envexadas da categoría. A dupla formada polo pichichi de pasada campaña, Rufo, e un futbolista como Charles que chega directamente de golear en Primeira División colocou directamente aos granates, para moitos equipos e analistas, entre os favoritos aos primeiros postos.
Con todo ambos os dous son só a punta de lanza dun equipo que comezou con bo pé a competición, logrando por primeira vez en 12 anos situarse como líder da categoría, e é que sen o complemento do resto de futbolistas, en todas as liñas, sería imposible ter sumados dous triunfos e un empate nas tres primeiras xornadas.
Neste destacado inicio, con 6 goles a favor e 4 en contra, os de Jesús Ramos colocáronse como o equipo máis realizador do Subgrupo 1-A xunto ao Zamora, a pesar de que tanto a Charles como a Rufo está a custarlles ver porta.
Entre os dous arietes só o brasileiro conseguiuse estrear, de penalti fronte a Unionistas. Unha cifra que pode parecer escasa dado o seu caché, pero á que se suman importantes oportunidades e sobre todo unha serie de intanxibles que lles fan fundamentais nos plans do técnico e tamén para os afeccionados.
Só a simple presenza dos dous dianteiros sobre o terreo de xogo condiciona por completo o plantexamento do rival, cunhas vixilancias extra das que se aproveitan outros compañeiros.
"O bo de ter a eses dous dianteiros é que fixan moito aos defensas e aos que vimos de segunda liña déixanolo moito máis fácil", recoñeceu tras o choque en Ferrol uno deses goleadores, Romay. Ademais conseguiron anotar Álex González en dúas ocasións e Oier e Zabaleta nunha.
Máis aló de cifras asoma tamén o traballo sucio de Rufo e Charles, combativos permanentemente coa zaga rival e tamén cun xogo de costas que é unha dor de cabeza para os defensas. Iso fai que calquera envío en longo poida converterse en oportunidade, e tamén permite descargando o xogo ás bandas as transicións rápidas cara a meta contraria que se están mostrando como un dos argumentos máis efectivos do Pontevedra ata o momento.
O máis positivo de todo é a imaxe de compenetración que ambos están a mostrar, e que promete moitas alegrías ao longo dunha tempada tan importante como a actual. Con estes ingredientes, seguro que o goles non tardarán en chegar.
Relacionadas:
-
Rufo sacia a súa sede de gol confiado en que a partir de agora "cheguen máis seguidos"
Por Manu Otero |
-
Dous goles anulados evitan o triunfo en Zamora dun Pontevedra que xogou unha hora en superioridade (0-0)
Por Diego Espiño |
-
A primeira defensa do liderado para o Pontevedra pasa polo "muy combativo" Zamora
Por Diego Espiño |
-
Romay, cun problema muscular, baixa do Pontevedra para o seu desprazamento a Zamora
Por Diego Espiño |
-
O Zamora poderá finalmente dar cabida a 1.135 dos seus socios no partido contra o Pontevedra
Por Diego Espiño |
-
Aguirrechu, segundo adestrador do Zamora, ve o Pontevedra como "uno de los mejores equipos de la categoría"
Por Redacción |
-
O partido entre Zamora e Pontevedra no Ruta de la Plata disputarase con público nas bancadas
Por Diego Espiño |
-
A análise dos rivais de Segunda B, un pouco máis fácil
Por Redacción |
-
Un Pontevedra líder da Segunda B doce anos despois
Por Diego Espiño |
-
Jesús Ramos: "Gustaríanos estar líderes na última xornada, estalo agora é anecdótico"
Por Manu Otero |
-
O líder Pontevedra salva a vitoria despois de dominar a un combativo Celta B (2-1)
Por Manu Otero & Cristina Saiz |