Silvia Aguete recibe meses despois o seu premio como mellor gardameta do mundo
Por Redacción
O pasado mes de marzo, xa en pleno confinamento, Silvia Aguete recibiu a noticia de que fora recoñecida como a mellor gardameta mundial de 2019 nos premios anuais do portal Futsalplanet.
Era o recoñecemento a unha longa e exitosa traxectoria pero tamén a moito esforzo. "Que a xente recoñeza o teu traballo é un orgullo", sinalaba entón a pontevedresa.
Agora, máis de sete meses despois, Silvia ten ao fin nas súas mans o galardón que a acredita como a mellor.
A xogadora do Poio Pescamar celebrou a chegada do seu premio coas súas compañeiras e corpo técnico do equipo, pousando todas xuntas sobre a pista do pavillón da Seca.
DERBI FRONTE AO VIAXES AMARELLE
O premio a Silvia Aguete supón todo un estímulo para un equipo que no deportivo afrontará este sábado (16.00 horas, TVG2) a cuarta xornada de liga. As vermellas, cun partido menos disputado, visitan a pista do Viaxes Amarelle coruñés coa intención de conseguir o seu segundo triunfo consecutivo e instalarse así desde o principio nos postos de honra do Grupo A. O seu rival pola contra tentará conseguir os seus primeiros puntos da tempada.
A mellor noticia para o técnico Manu Cossío está na portería. Despois do notable papel da canteirá Iria Varela en substitución da lesionada Silvia e a sancionada Caridad, o Poio volverá contar coa seguridade baixo paus das gardametas internacionais.
Relacionadas:
-
Silvia Aguete volve dous anos despois á lista de nomeadas a mellor gardameta do mundo
Por Redacción |
-
Silvia Aguete pon fin á súa etapa no Poio Pescamar
Por Diego Espiño |
-
Caridad García, nomeada a mellor gardameta mundial de fútbol sala
Por Diego Espiño |
-
O Poio Pescamar xógase o liderado contra o Atlético
Por Redacción |
-
O Poio Pescamar recibe 10.700 euros para loitar contra a violencia machista
Por Redacción |
-
As baixas seguen castigando ao Poio Pescamar ante a visita do Teldeportivo canario
Por Redacción |
-
Un hat-trick de Dani Sousa dá a vitoria ao Poio Pescamar na súa visita ao Amarelle (0-3)
Por Almu Dapena |
-
O Poio Pescamar sentenza na primeira metade para vencer ao Cidade das Burgas (3-0)
Por Cristina Saiz & Almu Dapena |
-
Empate xusto no debut ligueiro do Poio Pescamar fronte ao Roldán (2-2)
Por Almu Dapena & Cristina Saiz |
-
Silvia Aguete, nomeada mellor gardameta do mundo: "Que la gente reconozca tu trabajo es un orgullo"
Por Diego Espiño |