Semana sen xornada para o Pontevedra, pero coa rutina habitual
Por Redacción
A competición na Segunda División B chega a un parón dunha semana, sen xornada os días 14 e 15 de novembro, e faino cun Pontevedra que non perdeu nos seus catro partidos e segundo na táboa, a 2 puntos do novo líder Deportivo.
A liga non regresará para os granates ata o día 22 de novembro coa visita ao Estadio Municipal de Pasarón do Salamanca CF UDS, oitavo clasificado con 3 puntos.
Pese ao parón competitivo e segundo confirman dende o clube, Jesús Ramos e os seus seguirán traballando nunha rutina normal coa intención de seguir puíndo detalles do equipo nunha tempada tan curta e importante como a actual.
Desta forma, o primeiro plantel afrontou este luns unha sesión de recuperación, especialmente para os titulares en Zamora, e este martes gozarán de día de descanso.
O resto da semana os adestramentos seguirán o esquema habitual salvo pola segunda xornada sen actividade prevista inicialmente para o vindeiro domingo. A partir de aí o Pontevedra entrará nunha nova semana co único obxectivo de conseguir os tres puntos en xogo ante o Salamanca para consolidarse nos primeiros postos.
Relacionadas:
-
Jesús Ramos: "Nunca dixen que o 4-4-2 fose ser sempre, sempre, sempre"
Por Manu Otero |
-
Dous goles anulados evitan o triunfo en Zamora dun Pontevedra que xogou unha hora en superioridade (0-0)
Por Diego Espiño |
-
Jesús Ramos sobre o empate do Pontevedra ante o Zamora: "visto lo visto creo que hemos perdido dos puntos"
Por Almu Dapena |