A pontevedresa Daniela Suárez, convidada a un campus nacional de natación artística
Por Redacción
A nadadora Daniela Suárez Garrido, do Club Galaico Sincro, foi convidada a participar no Campus Ranking30 da Real Federación Española de Natación na modalidade de natación artística.
A concentración nacional, na que participarán nadadoras de categoría alevín que destacaron en diferentes puntos do país, celebrarase do 28 ao 30 de decembro na localidade madrileña de Buitrago de Lozoya.
O obxectivo deste campus é o seguimento por parte da Federación das nadadoras que integran as 30 mellores posicións na clasificación de Figuras da pasada tempada. Trátase de traballar e coñecer aos deportistas nos aspectos técnicos e psicolóxicos para ter un punto de partida para seguir a súa evolución.
Non é a primeira vez que o club pontevedrés participa nestas xornadas, xa que en 2018 e 2019 dúas das súas nadadoras e tamén unha adestradora tomaron parte no campus nacional de categoría alevín.
De feito será a segunda ocasión na que acoda Daniela Suárez, que gañou o dereito para ser convidada pola Real Federación Española de Natación ao clasificar entre as 20 primeiras no Campionato de España celebrado o pasado mes de marzo.
Relacionadas:
-
Daniela Suárez consegue para o Galaico Sincro unha medalla de prata no Campionato de España de Natación Artística
Por Redacción |
-
As promesas da sincronizada galega completan unha fin de semana de tecnificación en Pontevedra e Vigo
Por Redacción |
-
A natación artística galega retoma a súa actividade en Pontevedra
Por Redacción |
-
O Galaico Sincro retoma os seus adestramentos
Por Redacción |
-
Unha nadadora e unha adestradora do Galaico Sincro, convidadas ao Campus Ranking 30 Alevín da RFEN
Por Redacción |