O pontevedrés Álex Chan, preseleccionado por Estados Unidos para o Mundial de Exipto
Por Redacción
O soño americano está un pouco máis preto para Álex Chan. O central pontevedrés do Club Cisne foi incluído na preselección de Estados Unidos para o próximo Mundial de balonmán, que terá lugar en Exipto o próximo mes de xaneiro.
Aos seus 27 anos, Chan leva semanas tramitando a súa condición de xogador seleccionable para o combinado norteamericano, e é que posúe a nacionalidade estadounidense grazas á súa nai, nacida alén do Atlántico, ata onde emigrara o avó do agora primeira liña do Cisne.
A idea de poder cumprir o soño mundialista comezou a materializarse coa invitación que a IHF fixo ao combinado americano, momento no que grazas á mediación entre outros do seu actual adestrador puido contactar co seleccionador de Estados Unidos, o sueco Robert Hedin, para darlle a coñecer a súa disposición.
Agora tras máis dunha década defendendo a camiseta do Cisne e convertido nun dos seus estandartes na campaña de debut na Liga Asobal, Álex pasou o primeiro corte coa preconvocatoria na que figuran outros 34 xogadores, entre os que se atopa outro representante da Asobal, o pivote do Ademar leonés Donlin.
Aínda falta por coñecer a lista definitiva, pero Chan está un paso máis preto de vivir a experiencia mundialista cunha selección que tentar progresar no seu nivel pensando sobre todo nos Xogos Olímpicos de 2028 que se celebrarán en Los Ángeles.
No caso de conseguilo, o central pontevedrés enfrontaríase a seleccións de primeiro nivel internacional, e é que Estados Unidos disputará a primeira fase do Mundial encadrado no Grupo E xunto a Francia, Noruega e Austria.
Relacionadas:
-
Álex Chan queda sen Mundial de balonmán por un brote masivo de Covid na selección de Estados Unidos
Por Diego Espiño |
-
Álex Chan pasa a última criba e xogará o Mundial de balonmán con EEUU: "Para mí es un orgullo"
Por Diego Espiño |
-
Apoteósica vitoria no último suspiro do Cisne fronte ao Villa de Aranda (31-30)
Por Redacción & Cristina Saiz |
-
A visita do Villa de Aranda, outra cita marcada en vermello para o Cisne
Por Redacción |
-
O Cisne recobra impulso cunha pelexada vitoria fronte ao Nava (28-25)
Por Diego Espiño & Mónica Patxot |
-
O Cisne non poderá contar coa súa nova fichaxe, Oleksander Nekrushet, ata a segunda volta
Por Manu Otero |
-
O internacional Oleksandr Nekrushet incorpórase ao Cisne como substituto de David Chapela
Por Redacción |
-
O duelo de pechacancelas entre Cisne e Sinfín sáldase con empate (24-24)
Por Almu Dapena |
-
O Cisne desaparece antes do descanso e encaixa unha nova derrota en Guadalaxara (37-20)
Por Manu Otero |