Primeiro caso de Covid no Pontevedra
Por Diego Espiño
O Pontevedra Club de Fútbol confirmou o primeiro caso de Covid no seu persoal desde o inicio da tempada.
O contaxio detectouse nos test realizados antes do primeiro adestramento tras as vacacións, o pasado 28 de decembro.
"El jugador vino contagiado de sus vacaciones, tuvimos que apartarlo como marca el protocolo pero el resto de la plantilla gracias a dios estamos bien", sinalou este mércores o técnico Jesús Ramos na previa do encontro de Copa do Rei fronte ao Cádiz.
Precisamente antes deste encontro todo o plantel de xogadores tivo que someterse a probas PCR, sen que se detectasen novos casos nin nesta nin noutras probas realizadas estes días aos futbolistas.
En canto ao xogador permanecerá en cuaretena "en principio hasta este viernes que le harán la última prueba y si está todo bien a entrenar" confirma Ramos, polo que podería chegar a estar dispoñible para o primeiro partido de liga do ano fronte ao Guijuelo.
O Pontevedra preferiu manter en privado o nome do afectado, aínda que todo apunta a que se trata dun futbolista que se desenvolve habitualmente na parcela central do terreo de xogo.
Relacionadas:
-
A data do Pontevedra-Guijuelo, nas mans da RFEF
Por Diego Espiño |
-
O Pontevedra, sen complexos ante a visita do Cádiz na Copa do Rei
Por Diego Espiño |
-
O Pontevedra inicia a súa particular 'costa de xaneiro'
Por Diego Espiño |
-
O Pontevedra volve ao traballo á espera dun mediocentro "versátil" que substitúa a Romay
Por Manu Otero |
-
A fichaxe dun mediocentro, de opción a necesidade para o Pontevedra
Por Diego Espiño |
-
O Pontevedra-Cádiz de Copa do Rei xa ten data: xoves 7 de xaneiro
Por Redacción |