Lydia Pérez inicia en Niza a conta atrás cara ao Preolímpico
Por Redacción
Co inicio do novo ano achégase o momento da verdade para Lydia Pérez Touriño, no seu obxectivo de lograr a clasificación para disputar no verán os Xogos Olímpicos de Tokyo.
A pontevedresa afrontará esta semana a súa primeira cita competitiva do ano, que supón ademais a antesala dos torneos preolímpicos de loita.
Esa cita á que deportista do Club Loita Pontevedra acode convocada pola Selección Española será o Torneo Internacional Henri Deglane que terá lugar do 15 ao 17 de xaneiro na localidade francesa de Niza.
Tras a competición, Lydia Pérez permanecerá concentrada en Niza ata o día 24 de xaneiro nun evento preparatorio internacional que contará coas máximas medidas de seguridade e prevención contra a Covid.
Serán unhas semanas decisivas por tanto para preparar os torneos clasificatorios para Tokyo previstos para os meses de marzo e maio.
Xunto á pontevedresa competirán en Francia outros tres deportistas galegos, como son Nerea Pampín (Keltoi de Vila de Cruces), Damián Iglesias (Club de Loita Touro) e Jose Cuba (Club de Loitas Olímpicas de Vilalba).
Relacionadas:
-
O último tren cara aos Xogos de Tokyo leva a Lydia Pérez ata Bulgaria
Por Diego Espiño |
-
Lydia Pérez cae en cuartos de final do preolímpico europeo de loita
Por Diego Espiño |
-
Marcos Miragaya analiza o reto de clasificación olímpica de Lydia Pérez: "Ten nivel para ter opcións"
Por Diego Espiño |
-
Suecia e Ucraína, últimas paradas de Lydia Pérez antes de asaltar a clasificación olímpica
Por Redacción |
-
Experiencia sen fortuna para Lydia Pérez na Copa do Mundo de Loita en Serbia
Por Redacción |
-
Convocan a Lydia Pérez para participar nun torneo internacional en Polonia, a súa primeira competición desde marzo
Por Redacción |