Detectado un caso de Covid no plantel do Teucro
Por Diego Espiño
Un xogador da Sociedad Deportiva Teucro deu positivo por Covid, e permanece illado seguindo o protocolo de prevención contra o virus.
Segundo confirmou o club pontevedrés, o contaxio do xogador foi detectado nas probas de antíxenos realizada ao primeiro persoal tras volver a pasada semana aos adestramentos.
"No mesmo momento que o staff técnico é coñecedor do devandito positivo, notificárono ao Sergas, facéndolles saber a situación do positivo e do resto do plantel", explica o Teucro.
Ademais procedeuse á cancelación do adestramento e ao confinamento preventivo doutros xogadores do equipo cos que comparte piso.
"Todos os nosos xogadores, incluídos os confinados, atópanse en bo estado. O xogador que deu positivo, a día de hoxe, non presenta síntomas", engade a entidade azul, que na súa primeira semana de traballo deseñou sesións sen contacto e con todas as precaucións posibles ata coñecer o resultado dos test.
Debido a iso, e á espera de que os contactos estreitos sexan sometidos ás pertinentes probas PCR, o Teucro confía en que esta situación non dificulte o regreso da competición tendo en conta que o seu próximo partido de liga, o primeiro do ano, non se disputará ata o próximo 23 de xaneiro fronte ao Bordils.
Relacionadas:
-
O Teucro tenta recuperar a normalidade pendente de Fede Wermbter
Por Diego Espiño |
-
Competición apraza o Teucro-Bordils do próximo sábado 23
Por Redacción |
-
Ángel Iglesias desvincúlase do Teucro e apunta a reforzo do Cisne
Por Diego Espiño |
-
O Teucro retoma os adestramentos tras o positivo por Covid e solicita o aprazamento do partido contra Bordils
Por Diego Espiño | Creada e actualizada
-
Adestramentos sen contacto na volta ao traballo do Teucro
Por Redacción |
-
O Teucro vaise con mal sabor de boca ás vacacións de Nadal ao perder con claridade contra o Adrianenc (30-25)
Por Almu Dapena |
-
Valiosa vitoria do Teucro ante un Sarrià moi inferior (34-28)
Por Almu Dapena & Cristina Saiz |