Antía García bate o seu propio récord nacional no Campionato de España de Inverno de Salvamento
Por Redacción
A Piscina Municipal Esperanza Lag de Elxe, en Alacante, foi escenario durante a fin de semana do Campionato de España Xuvenil, Junior e Absoluto de Inverno de Salvamento e Socorrismo, con protagonismo para unha representante do Club Acuático Umia.
Antía García foi unha das mellores nadadoras do campionato conseguindo tres medallas de ouro e batendo un récord de España absoluto, rebaixando a marca que ela mesma ostentaba.
A caldense conseguiu esa mellor marca nos 50 metros remolque de maniquí, rebaixando o seu anterior rexistro en 10 centésimas ao parar o crono en 00:34:80.
Ademais Antía conseguiu un récord galego nos 100 metros socorrista (01:01:61) onde tamén finalizou primeira.
A súa tripla de vitorias completouna na proba na que en 2018 proclamouse campioa mundial, os 100 metros remolque de maniquí con aletas, cun tempo de 00:52:89.
Boas sensacións por tanto no inicio da tempada para a deportista do Club Acuático Umia, todo un valor seguro que levou ao seu club á décima posición da clasificación por equipos absoluta feminina e á 17ª na xeral.
Relacionadas:
-
O Acuático Umia celebra con vitoria o torneo do seu 25 aniversario
Por Redacción |
-
Antía García asina un triplete de ouro no nacional de salvamento en distancias curtas
Por Redacción |
-
Antía García rebaixa tres récords de España de salvamento
Por Redacción |
-
Recepción municipal a Antía García tras a súa tripla medalla no Europeo de Salvamento
Por Redacción |
-
Antía García consegue tres medallas, unha de ouro, no Campionato de Europa de Salvamento
Por Diego Espiño |
-
Caldas presume con Antía García de campioa mundial de socorrismo
Por Redacción |