Jorge Fernández retírase lesionado do adestramento e será baixa en Xixón
Por Diego Espiño
Contratempo para o Pontevedra Club de Fútbol en forma de lesión. Jorge Fernández retirouse este xoves antes de tempo da sesión de adestramento celebrada no Estadio Municipal de Pasarón con molestias nun xeonllo.
O futbolista recibiu un golpe nunha acción fortuíta cun compañeiro, en concreto con Rufo, e tras ser atendido e tentar reincoporarse ao traballo terminou abandonando o adestramento pouco despois.
Agora o extremo asturiano atópase pendente de someterse a probas médicas que determinen o alcance exacto da doenza e o tempo que deberá permanencer de baixa.
Polo de súpeto a súa presenza o vindeiro domingo en Xixón para enfrontarse ao filial do Real Sporting foi descartada polo adestrador granate, Luisito.
O que aínda non está descartado é Borja Martínez, lesionado nun nocello desde hai un par de semanas e que segue sendo dúbida para a fin de semana ao persistir certas molestias na zona danada. Polo menos o técnico recupera para o desprazamento a outro centrocampista, Imanol, tras cumprir un encontro de sanción.
Relacionadas:
-
Jorge Fernández recibe a alta e apunta á convocatoria para visitar o Covadonga
Por Diego Espiño |
-
O granate Jorge Fernández sofre unha escordadura de xeonllo e podería estar de baixa tres semanas
Por Manu Otero |
-
Xornada de táboas e o Pontevedra segue líder no sprint por escapar da 3ª RFEF
Por Manu Otero |
-
Valioso empate do Pontevedra fronte ao Sporting B nun partido gris (1-1)
Por Diego Espiño |
-
O Pontevedra visita o Sporting B sobre aviso: "Para gañar en Xixón temos que facer as cousas moito mellor"
Por Diego Espiño |
-
O horario matinal volve cruzarse co Pontevedra
Por Diego Espiño |
-
Intento de resurrección do Pontevedra, que gaña pero non esmaga (2-1)
Por Manu Otero & Cristina Saiz |
-
Álex González ve "primordial" empezar ben a segunda fase pero avisa: "Só cos puntos de Pasarón non serve"
Por Diego Espiño |