O Bádminton Ravachol descende á última posición tras caer ante o Arjonilla (3-4)
Por Cristina Saiz & Redacción
Derrota axustada a do Bádminton Ravachol Pontevedra ante o Arjonilla, equipo situado na zona nobre da clasificación de División de Honra. Os pontevedreses plantaron cara ao conxunto andaluz, pero finalmente caeron por un 3-4 que os descende á última posición da táboa.
En dobres mixto, Javier Sánchez e Elena Fernández puxéronllo difícil á dupla andaluza formada por Fátima Albín e Juan Blas Villalta, que se fixeron co primeiro punto para o Arjonilla ao vencer por 17-21, 20-22. Igualou o conxunto pontevedrés no dobres masculino ao derrotar Manuel Brea e Javier Sánchez a Juan Blas Villalta e Miguel Barbado tras un intenso duelo que se saldou en 17-21, 21-09, 21-15.
Elena Fernández e Georgina Bland, en dobres feminino, pelexaron ata o final para facerse co segundo punto do Ravachol, pero Manuela Díaz e Amy Tan foron superiores e venceron por 15-21, 20-22. Georgina Bland regresou á pista para disputar o individual feminino. Esta vez, a xogadora local fíxose coa vitoria pola vía rápida ante Amy Tan (21-09, 21-16), colocando o 2-2 no luminoso.
O Arjonilla adiantouse de novo co duelo individual masculino entre Gabriel Fernández e Alejandro Ramírez. O do Ravachol púxollo complicado ao seu rival, pero non foi capaz de superalo e caeu por 19-21, 21-11, 18-21. Ana Carbón e Manuela Díaz tomaron parte no seguinte encontro, no que a do Arjonilla fíxose coa vitoria fácil por 14-21, 13-21.
Xa cos puntos no peto para os visitantes, Manuel Brea venceu aínda que con dificultade a Miguel Barbado (21-18, 22-20), facendo o 3-4 co que concluíu a xornada.
Relacionadas:
-
O Bádminton Ravachol certifica o seu descenso con derrota ante o Rinconada (5-2)
Por Almu Dapena |
-
O Bádminton Ravachol cae en Eivissa e queda abocado ao decenso "salvo milagre"
Por Diego Espiño |
-
O Ravachol perde 'in extremis' co Alicante e ve peligrar a permanencia (3-4)
Por Almu Dapena & Cristina Saiz |
-
Semana de infarto para o Bádminton Ravachol pola supervivencia na División de Honra
Por Redacción |
-
Javier Sánchez, do CB Ravachol, leva o ouro no dobres do máster nacional absoluto
Por Redacción |
-
O Ravachol recoloca o seu desprazamento a Eivissa para o 26 de abril fuxindo da Semana Santa
Por Redacción |
-
O Bádminton Ravachol sae do descenso coa súa vitoria fronte ao Benalmádena
Por Redacción |