Teucro e Trapagaran fixan o seu encontro aprazado para o xoves 29 de abril
Por Redacción
Xa hai data para o partido de liga da División de Honra Prata aprazado entre Trapagaran e Teucro, que debía terse disputado o pasado 10 de abril.
Segundo informa o club pontevedrés, tras chegar a un acordo co conxunto vasco e o Comité de Competición da Real Federación Española de Balonmán, o encontro disputarase finalmente o vindeiro xoves 29 de abril ás 19.15 horas.
A decisión de fixar o encontro para esa data, a pesar do longo desprazamento que esperará ao Teucro ata o País Vasco entre semana, débese á ausencia de partidos de liga para esa fin de semana.
Será un duelo importante para os azuis, que confían en conseguir dous puntos que supoñan un empuxón cara á permanencia na categoría, aínda que fronte a eles estará un rival que chegou á segunda fase sen puntos logrando encandear tres triunfos consecutivos nas primeiras xornadas ata a que a covid freou esa progresión.
ZAMORA, PARADA DO TEUCRO
Antes diso, na primeira xornada da segunda volta da liguiña pola permanencia os azuis viaxan este sábado 24 de abril (19.00 horas) á pista do BM Zamora, segundo clasificado a dous puntos.
Tras o empate da ida, os de Irene Vilaboa aspiran a volver puntuar para manterse na zona de salvación, ao estar só 1 punto por encima tras a súa vitoria da pasada fin de semana. Xornada clave como todas as que restan nunha segunda fase que non permite un respiro e que apunta a seguir tremendamente igualada ata o final.
Relacionadas:
-
Sufrida e valiosísima vitoria do Teucro na pista do Trapagaran para escapar de postos de descenso (24-25)
Por Diego Espiño |
-
Vencer o Trapagaran, unha obriga para o Teucro
Por Diego Espiño |
-
O Teucro estrélase co Zamora e regresa de vacío (29-25)
Por Almu Dapena |
-
O Teucro derrota o Ikasa Madrid para facerse coa primeira vitoria da fase pola permanencia (29-28)
Por Almu Dapena & Cristina Saiz |
-
O partido entre Trapagaran e Teucro, aprazado pola covid-19
Por Diego Espiño |