Bo traballo do Supermercados Froiz na Santikutz Klasika da Copa España
Por Redacción
O Supermercados Froiz mostrou moi boa imaxe na quinta etapa da Copa de España Elite-Sub23. A Santikutz Klasika regalou un gran espectáculo que finalizou con Pablo Alonso, o mellor do equipo conserveiro, chegando á meta en 18 posición.
A proba esixente e dura, co extra da choiva, comezou ás 9:30 horas desde Legazpi, dando paso a un tramo inicial de carreira no que houbo moito movemento e con ningún ciclista consolidándose na cabeza de carreira.
O desgaste dos corredores comezou a notarse a medida que pasaban os quilómetros, incrementados por un desnivel que foi deixando o pelotón con cada vez menos ciclistas. Apenas 20 resistiron cando quedaban menos de 35 quilómetros para chegar a meta.
Xa a falta de 8 quilómetros para o final, Unai Iribar pisou o acelerador para consolidarse cunha vantaxe de 15 segundos que lle deu a vitoria. En segundo lugar chegou Pau Miquel, que cazou a Arrieta (terceiro) e Pinganzoli protagonizando unha arrancada que deu emoción á carreira.
O mellor do equipo pontevedrés foi Pablo Alonso (18), seguido de Ramón Fernández (26), Daniel Jiménez (53) e Juan Diego Cano (64). Por equipos, o Supermercados Froiz foi noveno.
Consulta nesta ligazón a clasificación xeral da Copa España Elite-Sub23
Relacionadas:
-
O Supermercados Froiz queda co mel nos beizos na xornada da Copa de España celebrada en Vigo
Por Redacción |
-
Xornada de Copa de España na 'casa' para o Supermercados Froiz
Por Redacción |
-
Supermercados Froiz e Farto mostran boa imaxe na Copa España pero regresan sen premio
Por Redacción |
-
Supermercados Froiz e Farto, pendentes da Copa de España
Por Redacción |
-
O Froiz recupera o pulso da Copa de España cun noveno posto de Pablo Alonso en Torredonjimeno
Por Redacción |
-
Este ano, si. O Supermercados Froiz vai pola Copa de España
Por Manu Otero & Mónica Patxot |