Gómez Noya gaña o Challenge Cancún e Saleta Castro finaliza quinta
Por Almu Dapena
Levaban máis dun ano sen competir e regresaron da mellor forma no Challenge de Cancún. Javier Gómez Noya impúxose con claridade, chegando á meta con máis de cinco minutos de diferenza co segundo clasificado, Ruedi Wild. Pola súa banda, Saleta Castro non alcanzou o podio e quedou quinta.
A preparación dos Xogos Olímpicos de Tokio para Gómez Noya pasou esta fin de semana por México, onde arrasou na súa primeira competición do ano.
Saíu da auga en terceiro lugar, despois de percorrer 1,9 quilómetros. A proba en bicicleta foi mellor para el, percorrendo en solitario ata que foi superado por Andy Potts a falta de 30 quilómetros para o final.
Xa na carreira a pé, non tivo competencia. O pontevedrés apertou para chegar en 3:45:36, seguido de Ruedi Wild (3:50:37) e Andy Potts (3:51:13).
Saleta Castro, en cambio, logrou unha quinta praza despois de remontar posicións na carreira a pé.
Saíu da auga en 31:07, a carreira en bicicleta fíxoa en 2:34:32 e, por último, a carreira a pé concluíu en 1:35:14. En total, un tempo 4:45:43 , a tan só 9 segundos da cuarta clasificada, Adriana Carreño.
Relacionadas:
-
Saleta Castro consegue unha vitoria na súa preparación para o mundial de longa distancia
Por Redacción |
-
Víctor Riobó, 'lebre' de Gómez Noya en Cozumel na recta final da súa preparación para os Xogos
Por Diego Espiño |
-
A Federación Española outorga oficialmente a Gómez Noya praza para os Xogos de Tokyo
Por Diego Espiño |
-
Unha caída deixa a Gómez Noya sen opcións nas Series Mundiais de Leeds
Por Almu Dapena |
-
"Recta final" da preparación para os Xogos Olímpicos de Gómez Noya, que se ve "a moi bo nivel"
Por Manu Otero |
-
Pablo Dapena e Saleta Castro buscan o asalto ao olimpo da franquía Challenge en Austria
Por Redacción |
-
Gómez Noya estrea tempada no Challenge Cancún xunto a Saleta Castro
Por Diego Espiño |
-
Cozumel acolle a Gómez Noya e Saleta Castro, que participarán no próximo Challenge Cancún
Por Diego Espiño |
-
Gómez Noya elixe México para adaptarse á "calor extrema" que espera nos Xogos de Tokyo
Por Redacción |
-
Saleta Castro debuta na Titan Desert con podio e unha experiencia "brutal"
Por Diego Espiño |