200 entradas gratis para animar a encher Pasarón contra o Oviedo B
Por Manu Otero
A parroquia granate é consciente de que o partido do domingo é transcendental. A desilusión, frustración e enfado por unha tempada errada debe quedar ao carón e toda a afección do Pontevedra ten que achegar o seu gran de area no decisivo duelo contra o Oviedo B para conseguir os tres puntos e evitar o descenso a 3ª RFEF.
Iso deberon de pensar na empresa Sanifax, ligada a unha peña do club fincada en Madrid que preside o xornalista Miguel Ángel Martín e ten como vicepresidente ao médico Bartolomeu Beltrán. A firma adquiriu 200 entradas para regalalas aos primeiros 200 afeccionados de entre 18 e 28 anos para que "animen a lume de biqueira ao Pontevedra e axudarlle a lograr a continuidade en Segunda RFEF".
Os interesados en adquirir un destes pases deben solicitalos nas oficinas do club en Pasarón antes do sábado no horario comprendido entre as 9 e 14 e entre as 16 e as 19 horas co único requisito de presentar o seu DNI e estar entre os 18 e 28 anos.
Regalazo!!!
— Pontevedra CF (@PontevedraCFSAD) May 20, 2021
Una de las peñas del Pontevedra CF en Madrid, de la empresa Sanifax, regala 200 entradas para jóvenes de entre 18 y 28 años para que animen al Ponte y ayudarnos a lograr la 2 RFEF ante el trascendental encuentro con el Oviedo del próximo domingo.
+Info
Non é a única promoción dispoñible para este choque tan importante. O club puxo á venda entradas a 5 euros para todas as bancadas ata completar o aforo de 3.000 espectadores. Ademais, os menores de 18 anos poderán entrar gratis, pero sempre solicitando a súa invitación e presentando o seu DNI para cumprir coas medidas sanitarias.
A iniciativa do club e o convencemento da cidadanía da necesidade de conseguir o triunfo para evitar que o club se suma nunha grave crise está a dar os seus froitos porque o goteo de afeccionados cara ás oficinas do Pontevedra durante esta semana está a ser constante e o domingo Pasarón volverá lucir unha boa entrada a pesar da limitación de aforo.
Relacionadas:
-
Lupe Murillo pide desculpas pola "ilusión que generamos" e xa pensa en "buscar mejoras" para a próxima tempada
Por Almu Dapena & Cristina Saiz |
-
Sufrimento e salvación con goleada final (3-0) para un Pontevedra que evita caer á Terceira RFEF
Por Diego Espiño & Cristina Saiz |
-
Rexeitada unha petición do Oviedo para aprazar o partido do seu filial en Pontevedra
Por Diego Espiño |
-
Luisito: "Válenos o empate, pero hai que gañar"
Por Manu Otero |
-
Álvaro Cortes: "O máximo que podemos darlle á afección é unha vitoria e o equipo vai ir a matar a por ela"
Por Manu Otero |
-
O Pontevedra convoca á súa afección para evitar o desastre
Por Manu Otero |
-
As contas do Pontevedra para salvarse do descenso á Terceira RFEF nunha última xornada de pesadelo
Por Diego Espiño |