Baño de ouro para Arlet Ortiz e Iván García, do Mat' s de Marín, no nacional de combate de taekwondo
Por Redacción
O taekwondo galego demostrou todo o seu potencial no campionato de España de combate celebrado a pasada fin de semana en Benidorm ao ocupar a primeira posición do medalleiro con dous ouros, dúas pratas e catro bronces no cadro feminino; e un ouro, unha prata e un bronce, no cadro masculino. Os máis destacados foron os taekwondistas do Mat' s de Marín, Arlet Ortiz e Iván García, que lograron a vitoria.
Na categoría de máis de 87 quilos, Iván García volveu demostrar que este ano é imparable e proclamouse campión de España por terceiro ano consecutivo despois de superar a Borja Sánchez, Julián Pérez e Genis Gilbert.
Coas mesma solvencia resolveu Arlet Ortiz a súa participación na categoría de menos de 57 quilos. A deportista do cadro marinense derrotou a Anastasia Ignatyev, Nabila Djeda, Elena Torres e a María Beira na final.
Tamén brillou a pontevedresa Sara Cortegoso, do Mace Sport, que logrou colgarse unha prata na categoría inferior a 46 quilos despois de vencer a Laura García e Gloria Ruíz. Na final a moza taekwondista non foi capaz de superar a Ana Jiménez.
Relacionadas:
-
Medalla de ouro para Iván García e bronce para Arlet Ortiz no Open de Polonia de taekwondo
Por Redacción |
-
Iván García e Arlet Ortiz regresan cun ouro e un bronce do Open de Estonia
Por Redacción |
-
Yadira Reimúndez e Sergio Troitiño selan a súa clasificación para o Europeo Júnior e Sub-21 de taekwondo
Por Redacción |
-
Iván García segue de doce e cólgase o ouro no Open de España de taekwondo
Por Redacción |
-
Iván García, bronce no Campionato de Europa Sénior de Taekwondo
Por Redacción |
-
Sara Cortegoso e Iván García, a polo Campionato de Europa Sénior de Taekwondo
Por Redacción |