Miguel Simón deixa o Cisne despois de 12 anos de servizo
Por Manu Otero
A falta dunha xornada para o final da liga Asobal, da que o Cisne xa consumou o seu descenso a Prata, os movementos no plantel da escuadra pontevedresa comezan a producirse. O club fixo oficial este xoves que o pivote defensivo Miguel Simón deixará a disciplina cisneísta ao finalizar a presente tempada.
Cunha traxectoria de 12 anos na entidade lerezana, Miguel Simón foi un dos baluartes defensivos dos últimos anos e un dos artífices do crecemento dun club humilde e de canteira como o Cisne. O ascenso e debut en Asobal supuxo o colofón a máis dunha década de dedicación e despois de cumprir o soño de xogar ao máximo nivel, o xogador decidiu deixar o Cisne.
"O pivote defensivo Miguel Simón é a primeira baixa do Dicsa Modular Cisne. Durante 12 anos gozamos da calidade, tanto deportiva como humana, deste xogador. Desexámoslle a mellor das sortes. El sabe que esta sempre será a súa casa!", recolle a conta oficial de Twitter do club.
BAJA | El pivote defensivo @MiguelSimon11 es la primera baja del Dicsa Modular @ClubCisneBalonm
— DICSA Modular Club Cisne Balonmano (@ClubCisneBalonm) May 27, 2021
Durante 12 años hemos disfrutado de la calidad, tanto deportiva como humana, de este jugador.
Le deseamos la mejor de las suertes ¡Él sabe que ésta siempre será su casa! pic.twitter.com/6YzreZ6Vmc
O pivote foi un dos xogadores con máis minutos da tempada e, aínda que a súa achega ofensiva foi escasa porque é un especialista defensivo, abandona a liga Asobal con seis tantos na súa conta particular.
Cando finalice a tempada, persoal e directiva manterán reunións para concretar que xogadores renovarán os seus contratos para o próximo curso no que o Cisne tratará de regresar á elite do balonmán español.
Relacionadas:
-
O Cisne renova a Jorge Villamarín e despídese de José Leiras
Por Redacción |
-
Álvaro Preciado, primeira renovación do Cisne
Por Redacción |
-
Gonzalo Carró pon fin á súa etapa no Cisne
Por Diego Espiño |
-
O Cisne despídese de Asobal derrotando na casa o Puente Genil (28-26)
Por Almu Dapena & Cristina Saiz |
-
Doce final de tempada para o Cisne a pesar do descenso
Por Manu Otero |
-
O Cisne puntúa ante o Villa de Aranda a falta dunha xornada para o final da Liga Asobal (23-23)
Por Almu Dapena |
-
O Cisne loita ata o final pero termina caendo contra o Sinfín (30-31)
Por Almu Dapena & Cristina Saiz |
-
O Cisne cae coa cabeza alta fronte o Benidorm (26-28)
Por Almu Dapena & Cristina Saiz |