Irene Vilaboa renova e afrontará a súa segunda campaña como adestradora do Teucro
Por Diego Espiño
Continuidade para o proxecto deportivo da Sociedad Deportiva Teucro.
A xunta xestora da entidade pontevedresa pechou a renovación de Irene Vilaboa como adestradora do primeiro plantel, tras conseguir a permanencia do equipo na División de Honra Prata na última xornada de liga.
Coa chegada da preparadora, desde o Teucro apostouse por un proxecto a medio prazo. Así o remarcaron os dirixentes na súa presentación, polo que a súa continuidade era unha prioridade para o próximo curso.
"A experiencia de Irene engadido ao seu bo facer fixo que Irene Vilaboa sexa un piar imprescindible no proxecto de futuro", remarca o vicedecano do balonmán nacional sobre a súa adestradora.
No seu segundo ano á fronte do equipo "queremos dar continuidade ao sistema de xogo xa implantado na pasada campaña e poder reforzarnos algunhas posicións", recoñece Vilaboa sobre unha nova tempada que "a competición será tan esixente ou máis que a pasada".
Relacionadas:
-
O Teucro renova a Miguel Sío para a próxima tempada
Por Redacción |
-
Samu Pereiro fai as maletas e cambia o Teucro con destino a Eivissa
Por Redacción |
-
Caue Herrera, primeira renovación no Teucro 21/22
Por Redacción |
-
Vitoria de ouro para o Teucro, que salva a categoría tras vencer o Ikasa Madrid por 22-26
Por Almu Dapena |
-
O Teucro vence na casa o Trapagaran e dependerá de si mesmo na última xornada (29-26)
Por Almu Dapena & Cristina Saiz |
-
A permanencia do Teucro, un paso máis preto tras a súa vitoria en Málaga (24-26)
Por Almu Dapena |